विशेष अनलाइन । निर्देशक दीपेन्द्र गौचनले निर्देशन गरेको चलचित्र ‘केटी हराएको सूचना’को टिजर सार्वजानिक भएको छ । चलचित्र निर्माण टिमले चलचित्रको टिजर सार्वजानिक गर्दै प्रदर्शन मिति तय गरिएको छ । कात्तिक ३० गते बाट प्रदर्शनमा आउन लागेको चलचित्रको टिजरले धोका र बदलाको कथामा चलचित्र बनेको सङ्केत देखाएको छ ।
एक मिनेट लम्बाईको टिजरले चलचित्रको कथावस्तुबारे प्रकाश पारेको छ । अभिनेता नाजिर हुसेन र अभिनेत्री सृष्टि श्रेष्ठबीचको प्रेमलाई दर्शाउँदै सुरु भएको टिजर नाजिरले हात, खुट्टा र मुख बाँधेर सृष्टिलाई बन्धक बनाएको दृश्यसँगै टुंगिएको छ ।
चलचित्रका निर्मार्ता निर्देशक गौचन आफै रहेका छन् ।चलचित्रमा नाजिर र सृष्टिसँगै सञ्जय गुप्ता, राम नारायण ठाकुर, मदन ठाकुर, रिना रिमाल, ललिता देवी मिश्र लगायत कलाकारहरुको अभिनय रहेको छ । नकिम उद्दिन कार्यकारी निर्माता रहेको चलचित्रमा निर्देशक गौचन स्वयंको स्क्रिप्ट लेखन छ भने अमर महर्जनकोले चलचित्रको छायांकन गरेका छन् ।
Discussion about this post