विशेष अनलाइन । निर्देशक तथा अभिनेता निखिल उप्रेती निर्देशीत चलचित्र ‘आचार्य’ को छायांकन हाल भारतको पश्चिम बंगालस्थित रमणीय स्थल डुअर्समा गराइरहेका छन्। मौसम अनुकूल रहेमा त्यहाँको सुटिङ प्रक्रिया केही दिन अझै निरन्तर चल्ने कार्यक्रम रहेको निर्माण टिमले जनाएको छ।
चलचित्र सेटबाट आएका तस्वीरहरूले निखिललाई निर्देशकको भूमिकामा व्यस्त देखाएका छन्। उनी कलाकारलाई निर्देशन दिँदै एक्सन–कट् गरिरहेका दृश्य सार्वजनिक भएका छन्। उक्त सेटमा भारतीय कलाकार र प्राविधिकहरू समेत सक्रिय देखिन्छन्।
चलचित्रमा नायक निखिलसँगै डेब्यू अभिनेत्री पूर्णिका सिजापति र भारतका केही चर्चित कलाकारहरूले अभिनय गरिरहेका छन्। हाल ‘इन्डिया ट्राभल’ को कथा–सन्दर्भसँग सम्बन्धित दृश्यहरूको छायांकन भइरहेको निर्माण पक्षले जानकारी दिएको छ।
डुअर्सपछि चलचित्र युनिटले विहारस्थित बागडुगरा र ठाकुरगञ्जमा पनि छायांकन गर्ने तयारी गरेको छ। करिब २५ दिन लामो भारत यात्रा सम्पन्न भएपछि छायांकन टोली नेपाल फर्किने छ।
Discussion about this post