विशेष अनलाइन । चलचित्र ‘जदौ’ मा कलाकारहरूको आगमन क्रमशः बढ्दो छ। अभिनेता मुकुन भुसाल र अभिनेत्री नीति शाह अनुबन्धित भइसकेको यस चलचित्रमा अब अभिनेत्री ऋचा शर्मा जोडिएकी छन्। मंगलबार उनले औपचारिक सम्झौतामा हस्ताक्षर गर्दै चलचित्रमा अनुबन्ध भएकी हुन्।
चलचित्रमा ऋचाको जोडी मुकुन भुसालसँग बाँधिनेछ। यो जोडी पहिलोपटक एकसाथ पर्दामा देखिने भए पनि ऋचाले नीति शाहसँग भने यसअघि ‘कोशेढुंगा’ मा सहकार्य गरिसकेकी छन्।अन्तरजातीय प्रेमकथामा आधारित ‘जदौ’ को निर्देशन कसले गर्ने भन्ने कुरा औपचारिक रूपमा खुलाइएको छैन। तर निर्माण टिमका अनुसार निर्देशक तय भइसकेका छन्। चलचित्रको कथा काजी लिम्बूले लेखेका हुन्।
चलचित्र ‘जदौ’ लाई सिल्भर स्क्रिन इन्टरटेन्मेन्ट र समिश्रण मुभिज एण्ड इन्टरटेन्मेन्ट ले संयुक्त रूपमा निर्माण गर्दै छन्। सह-निर्मातामा रामराजा सुवेदी, ओम चेम्जोङ, शान्ता तामाङ र नारायण शास्त्री रहेका छन्। चलचित्रमा बाबुल गिरीको संगीत रहनेछ । दाङ र प्यूठान जिल्लामा छायांकन हुने भनिएको ‘जदौ’ यही वर्षभित्रै प्रदर्शनमा ल्याउने लक्ष्य निर्माण पक्षको छ। साथै, चलचित्रमा केही अन्य चर्चित कलाकारहरू पनि अनुबन्ध गर्ने तयारी भइरहेको जानकारी प्राप्त भएको छ।
Discussion about this post