विशेष अनलाइन । वसन्त निरौलाले निर्देशन रहेको चलचित्र ‘ज्वाइँ साब’को पहिलो गीत सार्वजानिक भएको छ । बुधवार काठमाडौँमा आयोजित एक कार्यक्रममा चलचित्रको ‘कसम बत्तीको’ बोलको गित युट्युब मार्फत सार्वजानिक गरिएको हो ।
यस चलचित्रको गितमा निशान भट्टराई र समीक्षा अधिकारीको स्वर रहेको छ । गीतमा यादव लम्सालको शब्दमा अर्जुन पोखरेलले संगीत दिएका छन् । गीतको भिडियोमा चलचित्रका मुख्य कलाकार जितु नेपाल र नीति शाहकाे नृत्य रहेको छ । चलचित्रको गीत बिहेको परिवेशलाई समावेश गर्दै तयार पारिएको छ ।
दसैँको फूलपातीमा रिलिज हुन लागेको चलचित्रमा जितु र नीतिका अलवा बुद्धि तामाङ, हिमेश पन्त, रमेश बुढाथोकी, निमा पाण्डे, शिशिर वाङ्देल, कविता आले, दीपक आचार्य, राजकुमार पण्डित, कमलमणि नेपाल, प्रकाश घिमिरे, दीपक अधिकारी, राजेन्द्र नेपाली, सीपी पौडेल, विश्व मुखिया, सुमन राई, रोशन नेपाल, सुनिल तामाङ, नविन काफ्ले, शिवु पाण्डे लगायतका कलाकारहरूको अभिनय रहेको छ ।
राजकुमार पण्डितको प्रस्तुतिमा तयार परिएको चलचित्रको कार्यकारी निर्मार्ता विजय बस्याल हुन् । यस चलचित्रमा मिनादेवी खड्का, सौगात पण्डित र पदमलाल तामाङको लगानी रहेको छ । अर्जुन पोखरेल र महेश ताम्राकारको संगीत रहेको चलचित्रमा सञ्जय थापाको एक्सन, श्याम तामाङको छायाङ्कन, सन्देश शाहको सम्पादन छ । रेड आई फिल्मस्को प्रस्तुति र मौसम फिल्मस्काे सहकार्यमा यो चलचित्र निर्माण भएको हो ।
Discussion about this post