विशेष अनलाइन । साजन काफ्ले र आकाश बरालको संयुक्त निर्देशन रहेको चलचित्र ‘बेहुली फ्रम मेघौली’ को टिजर सर्वजानिक भएको छ । स्वस्तिमा खड्का र निश्चल बस्नेतको मुख्य अभिनय रहेको चलचित्रको टिजर बिहिवार राजधानीमा एक कार्यक्रम गर्दै युट्युब मार्फत सार्वजानिक गरिएको हो ।
सार्वजनिक ट्रेलरमा एक छोरीलाई योग्य वरका लागि गरिने सङ्घर्षको कथा देखाउन खोजिएको छ । ट्रेलर हेर्दा विवाहको सामाजिक परम्परागत मान्यतालाई चलचित्रले व्यङ्ग्य गरेको बुझिन्छ ।
चलचित्रमा निश्चल र स्वस्तिमाको सहित विजय बराल, वसुन्धरा भुसाल, रक्षा थापा, लोकेन्द्र लेखक, आमिर गौतम, सिरु विष्ट, सिम्रन खड्का, शिशिर सिवाकोटी लगायत कलाकारहरुको अभिनय रहेको छ ।
चलचित्रको पटकथा निर्देशक साजन र आकाश दुवैले मिलेर लेखेका हुन् । चलचित्रका निर्माता स्वस्तिमा खड्का र निश्चल बस्नेत हुन् । ब्ल्याक हर्स पिक्चर्स र मेघौली फिल्मसको ब्यानरमा चलचित्र निर्माण भएको हो । चलचित्र असोज १७ गते घटस्थापनाको अवसर पारेर प्रदर्शनमा आउने तयारि रहेको छ ।
Discussion about this post