विशेष अनलाइन । निर्देशक निश्चल बस्नेतले ग्याङ्स्टर–एक्सन–थ्रिलर चलचित्र ‘डेनी डेन्जरस’को निर्माण गर्ने घोषणा गरेका छन् । माघ वा फागुनदेखि छायांकन सुरु हुने चलचित्रको निर्माण निश्चलकै ब्ल्याक हर्स पिक्चर्सले गर्ने भएको छ ।
विशेष अनलाइन सग निर्देशक बस्नेत भन्छन् , ‘अहिले देशमा धेरै समस्या छन् । तीमध्ये कुनै समस्यालाई हामीले काल्पनिक रुपमा चित्रण गर्न लागेका हौं । अहिले गीतको तयारी भइरहेको छ ।’निर्देशक बस्नेतले कलाकारको लाइनअप तयार हुने क्रम जारी रहेको बताए । नेपाल, भारत, थाइल्याण्ड र बंगलादेशमा छायांकनको तयारी रहेको यो चलचित्र निश्चलको पाँचौं निर्देशकीय प्रोजेक्ट हुनेछ ।
‘यसमा समय लिएर काम हुनेछ’ बस्नेतले भने, ‘अहिले स्क्रिप्ट लेखनमा हामी जुटिरहेका छौं ।’ उनले यसअघि लुट, टलकजंग भर्सेस टुल्के, लुट २ र दिमाग खराब निर्देशन गरेका छन् ।
बुधबार राति सामाजिक सञ्जालबाट उनले थिम पोस्टर सार्वजनिक गरेका छन् । जसअनुसार यो चलचित्रलाई सन् २०२५ मा प्रदर्शनको लक्ष्य रहेको छ ।
Discussion about this post