विशेष अनलाइन । सशान कँडेल (सन्तोष)ले निर्देशन गर्न लागेको चलचित्र ‘होस्टेल ३’ मा अभिनेता आर्यन सिग्देल र अभिनेत्री परीक्षा लिम्बू अनुबन्धित भएका छन् ।यस सातादेखि छायांकन सुरु हुन लागेको चलचित्रको निर्मातासँग अभिनेता आर्यन र र अभिनेत्री परीक्षाले बुधबार लिखित सम्झौता गरेका हुन् ।
चलचित्रको अघिल्ला दुवै श्रृंखलामा सुनिल रावल वार्डेनको रोलमा थिए । यतिबेला भने रावलको ठाउँमा देखिन लागेका हुन् । निर्देशक कँडेल भन्छन् , ‘आर्यनले अभिनय गर्ने वार्डेनको भूमिका चलचित्रको मेरुदण्ड हो । यसअघि पनि चलचित्रमा यो भूमिका चर्चित थियो । यसपटक पनि बलियो रहेको छ ।’
निर्देशक कँडेलले व्यस्तताको बाबजुद आर्यन र परीक्षा चलचित्र सँग जोडिएकोमा खुसी व्यक्त गरेका छन् । यसअघि आर्यन र परीक्षाले ‘पुजार सार्की’मा सँगै काम गरेका थिए । जारी, छक्कापञ्जा ४ र पुजार सार्कीपछि परीक्षाको यो चौथो चलचित्र रहेको छ ।
‘होस्टेल ३’ फागुन १६ गते प्रदर्शनको तयारीमा रहेको छ । बुधबार जापान, मध्यपूर्व र मलेसियाका लागि चलचित्रको वितरण अधिकार बिक्री भएको छ । चलचित्रमा यसअघि पारस बम, रिहान गिरी, आशिष घिमिरे, पदम तामाङ, सिम्रन पन्त, हेना नगरकोटी, उमर खान, समा पराजुली, सन्तोष बानियाँ लगायतका कलाकारहरु अनुबन्धित भइसकेका छन् ।
Discussion about this post