विशेष अनलाइन । मिलन चाम्स निर्देशित चलचित्र ‘वर एण्ड वधु’ को तीन नयाँ पोस्टर सार्वजनिक गरिएको छ। दुईवटामा मुख्य कलाकार अभिनेत्री आँचल शर्मा र अभिनेता विवेक कर्माचार्यलाई रोमान्टिक अवतारमा देखाइएको छ। अर्को एउटा पोस्टरमा चलचित्रका अधिकांश कलाकारहरू समेटिएका छन्।
चलचित्रमा आँचल र विवेकसहित विजय लामा, किरण केसी, रविन्द्र खड्का, सृष्टि खड्का, हिमेश पन्त, कुसुम शर्मा, दिनेश काफुले, सिता न्यौपाने, अंशु महर्जन, सरिता लामिछाने, गरिमा शर्मा लगायत कलाकारहरूको अभिनय रहेको छ।
प्रदीप भारद्धाजको लेखन रहेको चलचित्रको निर्माता जानुका थापा हुन्। कार्यकारी निर्मातामा रेमन्ड कर्माचार्य र अमित रिजाल रहेका छन्।
रोमान्टिक कमेडी जनरामा निर्माण भएको फिल्म भदौ १४ गते रिलिजको तयारीमा रहेको छ।
Discussion about this post