विशेष अनलाइन । अशोक थापामगर निर्देशित चलचित्र ‘खुस्मा’को दुइ पोस्टर सार्वजनिक गरिएको छ । चलचित्रको पोस्टरले प्रेम र विछोडको कथालाइ बुझाउँछ ।एउटा पोस्टरमा अभिनेता धीरज मगर र अभिनेत्री उपासना सिंह ठकुरीको प्रेमिल जोडिको रुपमा देखिएका छन् । अर्को पोस्टरमा भने उपासना गम्भीर भावमा देखिएकि छिन् ।
आगामी असोज ३ गतेदेखि प्रदर्शनमा आउन लागेको चलचित्र ‘खुस्मा’ मगर समुदायको पृष्ठभूमिमा बनेको हो। यस चलचित्रले द्वन्द्वकालीन समयको प्रेमकथा भन्ने जनाइएको छ । यस चलचित्रमा धीरज र उपासनासँगै माओत्से गुरुङ, खड्क बहादुर पुन (खबपु), सुजाता राई, राज थापा काउचा, विजय संयोक सुब्बा, राजु रेग्मी मगर, अस्तित्व भट्टचन, संगीता थापा मगर, अरुण पुन मगर, सारा राई, श्वेता मिश्र, विवेश मगर, दुईसाङ थिङ लगायत कलाकारको अभिनय छ । यो चलचित्रलाई पूर्वी रुकुम जिल्लाको ताकसेरा क्षेत्रमा छायांकन गरिएको हो ।
थापाको निर्देशनमा बनेको चलचित्रको निर्माताहरुमा वीर बहादुर लामा, चन्द्र बहादुर भट्टचन, बेतान मगर, मान बहादुर धनाह मगर र सुस्मिता बुढाथोकी छन् । दीपक बज्राचार्यको छायांकन रहेको चलचित्रमा एसडी योगी र छान्जु पार्कको संगीत, सुरेन्द्र राना, राम अविरल बिष्ट तथा निर्देशक थापा मगरको गीत रचना छ ।
Discussion about this post