विशेष अनलाइन । चलचित्र ‘नाइँ नभन्नू ल ६’को अफिसियल ट्रेलर सार्वजनिक गरिएको छ । ट्रेलरमा प्रेम बिछोड र पिडा देखाइएको छ । चलचित्रका मुख्य कलाकार डेब्यू अभिनेता आशीर्वाद क्षेत्री,अभिनेत्री आँचल शर्मा,बाल कलाकारका रुपमा स्थापित अनुभव रेग्मी र ‘प्रेमगीत ३’ फेम्ड बाल कलाकार योगीशा खत्रीलाई प्राथमिकता दिइएको छ ।
विकासराज आचार्यको निर्देशन रहेको चलचित्रमा सरोज खनाल,प्रियंका कार्की,केकी अधिकारी लगायतका कलाकारहरूको समेत अभिनय छ । ‘नाइँ नभन्नू ल ६’मा अघिल्ला सिरिजहरु जस्तै बालबालिकाको प्रेमकथा समेत प्रस्तुत गरिएको छ । चलचित्रमा एक्सन दृश्यहरू समेत देख्न सकिन्छ ।
विकासराज आचार्यले र विष्णुमणि दाहालको सहकार्यमा चलचित्र ‘नाइँ नभन्नू ल ६’ निर्माण गरिएको हो ।
निर्देशक आचार्य, सामिप्यराज तिमिल्सिना र अरुणदेव जोशी मिलेर चलचित्रको कथा तयार पारेका हुन् । चलचित्रलाई वैशाख १ गतेबाट प्रदर्शन गर्ने तयारी गरिएको छ ।
Discussion about this post