तुलसी घिमिरेको निर्देशनमा ‘आँखाको परेली’

बिशेष अनलाइन । गायक तथा कलाकार तुलसी घिमिरेको निर्देशनमा ‘आँखाको परेली’ बोलको गीत सार्वजनिक भएको छ । गायक उल्सन श्रेष्ठ र गायिका सन्ध्या जोशीको आवाजमा रेकर्ड गरिएको गीत यूट्युब च्यानल तुलसी घिमिरे अफिसियल बाट सार्वजनिक गरिएको हो ।

भिडियोमा रोशन श्रेष्ठ, सेबिका कोइराला, खगेन्द्र बिमली, बिध्या न्यौपाने, गिप्सोन देउजाले अभिनय गरेका छन् ।

गीतमा ड्रीम्स फोटोग्राफीका सञ्चालक संयोगजङ विष्टले भिडियो छायांकन तथा सम्पादन गरेका हुन् । गीतको शब्द गायिका सन्ध्या जोशीकै हो भने संगीत सन्ध्या जोशी र विशाल सविकरले मिलेर भरेका छन् ।

गीतको संगीत संयोजन, मिक्सिङ र् रेकर्डिङ मनोज थापा मगरले गरेका हुन् । गायक उल्सन श्रेष्ठ र सन्ध्या जोशी गत वर्ष मात्र विवाह बन्धनमा बाँधिएका हुन् । नेपाल आइडलमा सन्ध्या टप १० मा पुगेकी थिइन् भने उल्सनले टप ८ सम्मको यात्रा तय गरेका थिए । उल्सन र सन्ध्याले यसअघि संयुक्त रुपमा तरकारी, सुस्त लगायत गीतमा सहकार्य गरेका छन् ।

भिडियोलाई उत्कृष्ट बनाउन भरपुर प्रयास गरिएको र दर्शकहरुले छोटो समयमै भिडियो मन पराएको निर्देशक घिमिरेले बताएका छन् ।

भिडियो हेर्नुहोस

https://www.youtube.com/watch?v=cuWPKhL2PeM