विशेष अनलाइन । चर्चित उपन्यास ‘शिरीषको फूल’मा आधारित नाटकबाट अभिनेत्री सनिशा भट्टराई रंगमञ्चमा डेब्यु गर्दैछिन्। यो नाटक कान्तिपुर थिएटरले मञ्चन गर्न लागेको हो, र सनिशा यसमा मुख्य पात्र सकम्बरीको भूमिकामा देखिनेछिन्।
नाटकको वर्कसप (अभ्यास) सुरु भइसकेको छ। थिएटर प्रमुख प्रकाश पुरीका अनुसार यो भूमिका गहिरो अभिनय क्षमता चाहिने भएकाले सनिशालाई छानिएको हो। यस नाटकमा सनिशासँगै पुराना चर्चित अभिनेता जीवन लुइँटेलले सुयोगवीरको भूमिका निभाउनेछन्। अमेरिका बसेका जीवन १० वर्षपछि नेपाल फर्केर यो नाटकमा सहभागी हुँदैछन्। नाटक साउनको पहिलो सातादेखि मञ्चन हुने योजना छ।
म्युजिक भिडियोबाट चर्चामा आएकी सनिशाले अभिनय गरेको पहिलो फिल्म ‘१२ गाउँ’ नेपाली इतिहासकै तेस्रो धेरै कमाउने फिल्म हो। हालै उनको फिल्म ‘नरसिंहा अवतार’ पनि रिलिज भएको थियो। पुरी भन्छन्, “हामी रंगीन पर्दा (फिल्म) र रंगमञ्चलाई जोड्न चाहन्छौं।” यस नाटकमा अर्को महत्वपूर्ण पात्र शिवराजको भूमिकामा राज न्यौपाने देखिनेछन्।
Discussion about this post