इशानलाई अवसर

इटहरी /  लामो समय देखी सांगितिक यात्रामा संघर्ष गरिरहेको नाम हो इशान राई । प्रदेश १ को खोटाङमा जन्मिएका इशान यतिबेला नेपालको चर्चित रियालिटी शो द भ्वइस अफ नेपालको ब्याटल राउण्ड पुरा गर्दै नक आउट चरणमा प्रवेश गरिसकेका छन् । टिम दिपमा रहेका इशानले पश्चिमका धुर्व बिकेलाई पछी पार्दै नकआउट चरणमा प्रवेश गरेका हुन् । चर्चित गायक रेजेश पायल राईलाई आफ्नो आइडल मन्ने इशान उनको गायन क्षेमताकै कारण यतिबेला पुर्वमा चर्चामा रहेका छन् ।

उनलाई भ्वइस अफ नेपालको एउटा बलियो प्रतिस्पर्धीका रुपमा हेरिएको छ । गायन क्षेत्रलाई नै आफ्नो भविश्य बनाएका इशानलाई आफ्नो सांगितिक यात्रालाई सहज बनाउनका साथै पुर्वलाई चिनाउने एउटा अवसर समेत आएको छ । द भ्वइसमा जानु पहिले नै उनले बिभिन्न एलवम निकाल्नुका साथै केही गितहरुको कभर समेत गरेका छन् । उनले बिभिन्न स्थानमा आयोजना भएका कार्यक्रमहरुमा स्टेज प्रस्तुती समेत दिइसकेका छन् ।