बिशेष अनलाइन । स्वर सम्राट स्व.नारायण गोपालको चर्चित गित “मलाई माफ गरिदेउ” को कभर गितको भिडियो सार्वजनिक गरिएको छ । कभर गितलाई जाेनी तामाङ्गले स्वर दिएका छन् ।
गोपाल याेञ्जन द्वारा लिखित उक्त गितलाई कभर बनाएर स्वर सम्राट स्व. नारायण गाेपालकाे सम्झनामा काेशी भिजन फिल्मस् प्रा .लि ईटहरीले म्युजिक भिडियाे निर्माण गरेकाे हाे ।
गितको कभर भिडियोमा कलाकार दिनेश काेईराला र सञ्चारकर्मी माैसमी कार्कीले अभिनय गरेका छन् । कलाकार दिनेश कोइरालाले चलचित्र, सिरियल साथै दर्जन भन्दा धेरै म्युजिक भिडियोहरुमा अभिनय गरिसकेका छन् । कोइराला द्वारा अभिनित चलचित्र अभियान प्रदर्शनको तयारीमा रहेको छ ।
यता सञ्चारकर्मी कार्कीको भने याे पहिलाे म्युजिक भिडियाे हो । नाटक दमनकाे रापबाट कलाकारिता क्षेत्रमा प्रवेश गरेकी उनले १ २ ३ र आयाे बाेकेदारी सिरियलमा अभिनय गरेकी छन् ।
दिनेश काेइराला र हेमन याेञ्जन तामाङ्गले संयुक्तरुपमा निर्देशन गरेको भिडियाेको छायांकन सुमन तामाङ्गले गरेका हुन् । भिडियोको सम्पादन हेमन तामाङ्गले गरेका हुन् ।
Discussion about this post