बिशेष अनलाइन । धरानको दन्तकाली लायन्स क्लवको प्रायोजक क्लब लियो क्लब अफ दन्तकालीको अध्यक्षमा पोषण बाबु श्रेष्ठ चयन भएका छन् । ०२१ र ०२२ का लागि श्रेष्ठ अध्यक्षका लागी चयन भएका हुन् ।
अध्यक्ष श्रेष्ठसँगै क्लवको सचिवमा निर्जला राई, कोषाधयक्षमा रेजिन निरौला, निर्देशकमा प्रेसिका निरौला चयन भएका छन् । निर्वाचित पदाधिकारीको एक वर्षको कार्यकाल रहने छ ।
सन् १९८८ मा धरानमा गठन भएको क्लबले विभिन्न सामाजिक क्षेत्रमा काम गर्दै आएको छ । रत्तदन, विभिन्न क्षेत्रको सरसफाई, कपडा ब्याङ्क, लगाय असहायका लागि विभिन्न क्षेत्रमा रहेर कार्य सम्पादन गर्दै आएको नव निर्वाचित अध्यक्ष श्रेष्ठले जानकारी दिए ।
उनी भन्छन् ‘मलाई विश्वास गरेर यो जिम्वेवारी दिएकोमा सम्पुर्ण लायन्यस र लियो क्बका सदस्यलाई धेरै धेरै धन्यवाद ।,’
उनले आफ्नो कार्यकालमा आफुले पाएको जिम्वेवारी र कर्तव्य पूर्ण रुपमा निर्वाह गर्ने बताएका छन् ।
Discussion about this post