स्वतन्त्र र स्वर्ग जस्तो नेपाल भन्ने देश थियो भन्ने दिन आउदैछ -करिष्मा मानन्धर

बिशेष अनलाइन । पछिल्लो समय चौतर्फी चर्चा र आलोचना भइरहने क्षेत्र छ भने त्यो हो राजनीति । राजनीतिमा भएका घटनाक्रमले नेपालीलाई विचलित बनाएको छ भन्दा फरक पर्दैन ।

कलाकर्मी पनि राजनिती हालको गतिविधिले दिक्क भएका छन् । बेला बेला विभिन्न कलाकारहरुले राजनितिक घटनक्रमले निम्त्याएको पीडा सामाजिक सञ्जालमा पोख्ने गर्छन् ।

यसैबिच अभिनेत्री करिष्मा मानन्धरले पनि सामाजिक सञ्जालमा आफ्नो मनको पीडा व्यक्त गरेकी छन् । उनले आफुले गाली खान्छु भन्ने थाहा हुदाहुदै पनि मनमा लागेको कुरा भनेको उल्लेख गरेकी छन् ।

उनले नेपाल स्वतन्त्र र स्वर्ग भएको तर नेताका कारण अस्तित्व गुमाउन बाध्य भएको टिप्पणी गरेकी छन् । उनले भनेकी छन् – ‘नेपाल भन्ने एउटा देश थियो जुन स्वतन्त्र थियो, स्वर्ग थियो तर त्यहाका नेताहरुको कारण आफ्नो अस्तित्व गुमाउन बाध्य भयो’, म यो अस्तव्यस्त अवस्थाका कारण यो सोच्न बाध्य भए ! आशा छ हिन्दुहरुलाई यो सब सहन सक्ने साहस भगवान पशुपतिनाथले प्रदान गर्नेछन् !
हर हर माहादेव।’

अभिनेत्री मानन्धरले यसरी सुरु गरेकी छन् -‘मनमा लागेको र भोगेको देखेको कुरा भन्दैछु। हजुरहरु कसैको सन्दर्भ मिल्न गएको भए माफी पाउ। गाली खान्छु त्यो पनि थाहा छ। राजनीति अली सचेत भएको भनेको २०४६ सालको आन्दोलन देखि हो ।’,

अभिनेत्री मानन्धरले त्यस समयमा देखेको एउटा दृश्य अहिले पनि अँखामा आइरहने उल्लेख गरेकी छन् । ‘ पल्लो घरको अगाडि साथीलाई भेटेर घर फर्कदै गरेका दाइलाई सुरक्षाकर्मीले पिटीपिटी मारेका थियो । त्यो देखेर ! त्यो दाइले पर्खाल चढ्ने निकै कोशिस गर्नु भएको रहेछ ! पर्खालमा उम्रेको बनस्पतिको बोट त्यो बाटो हिडदा एक्छिन टोलाएर हेर्ने गर्थे र सोच्थे त्यो अन्तिम अवस्थामा उनको मनोदशा कस्तो थियो होला !’अभिनेत्री मानन्धरले भनेकी छन् ।

जनआन्दोलनको समयमा मृत मानव शरीरहरु टेलिभिजनमा हेर्दा बिहान बिहान खाली पेटमा भएको तरल पदर्थ र आँसु एकै पटक निस्किने गरेको उनले उल्लेख गरेकी छन् । अभिनेत्री मानन्धरले दरबार हत्याकाण्डको समय भोगेको भोगाइ पनि प्रस्तुत गरेकी छन् । ‘तेतिबेला सम्म पनि नेपाली समाजमा भाइचारा र एकाअर्काको धर्म संस्कृति प्रती सम्मान थियो । पृथ्वीनारायण शाहले भनेको कुरा “चार जात छत्तीस वर्ण ” हिन्दु ,बुद्दिस्ट, मुस्लिम , किरात ,डोम, शिख सबैले सबैको सम्मान गर्थे।’

पछिल्ला दिनमा क्रिश्चियन संस्कृतिले रातो टीकाको गौरवलाई घृणा गरेको छ। हिन्दु धर्मावलम्बीले पुजेको भगवानलाई ढुंगा भनेको र हिन्दु धर्मप्रतिको अपमान प्रति आक्रोश व्यक्त गरेकी छन् । धर्म निरिपेक्ष राष्ट्र सबैको आस्थाको सम्मान भएको, तर पछी मौलिक धर्म मान्नेहरुलाई समस्या दिन थालिएको भन्दै आक्रोश व्यक्त गरेकी छन् । पछिल्लो समय नेपालीमा समाजमा रहेको भाइचारा र धर्मसंस्कृतिको सम्मान ध्वस्त भएको उनको भनाइ छ।

डमरू र त्रिशूल किन नेपाली सेनाको चिह्न भन्ने प्रश्न आउन थालेको,भैरव , काली , शिव , गणेश , किन गणहरुको नाम राख्ने भन्ने कुरा आएको बताउदै आफूहरुको आस्थालाई हटाउने काम सुरु भएको उनले बताएकी छन् । उनले २०११ को जनगणना अनुसार हिन्दु धर्मावलम्बीको संख्या ८० प्रतिशत भएको तर अबको २ वटा जनगणना पछि हिन्दुको संख्या ८ प्रतिशत हुने र आर्मी गणहरुको नाम पनि जिजस दल, मेरि दल हुने भन्दै आक्रोश पोखेकी छन् ।

अभिनेत्री मानन्धरले अबको एक हजार वर्ष पछि मन्दिरहरु पुरातत्त्व बिभागले खोज्नुपर्ने अवस्था आउने कुरा उल्लेख गरेकी छन् ।
उनले नेपालको मौलिकता ,कथा काहानीमा सिमित हुने, साथै नेपाल भन्ने एउटा देश थियो । जुन स्वतन्त्र थियो ,स्वर्ग थियो तर त्याहाका नेताहरुको कारण आफ्नो अस्तित्व गुमाउन बाध्य भयो भन्ने कथामा अध्ययन गर्नपर्ने अवस्था आउने उल्लेख गरेकी छन् ।