बिशेष अनलाइन । न्यूयोर्कमा हुने मिस नेपाल नर्थ अमेरिका ‘उत्तर अमेरिका नेपाल सुन्दरी’ मा नेपाली सुन्दरीहरु शृंखला खतिवडा ,सदीक्षा श्रेष्ठ र मनिता देवकोटालाई महत्वपुर्ण जिम्मेवारी दिइने भएको छ । उक्त्त प्रतियोगिताको लागि तिनै जना सुन्दरीहरु अमेरिका जाने पक्का भएको छ ।
सन् २०१८ की मिस नेपाल वर्ल्ड शृंखला खतिवडालाई आधिकारिक परामर्शदाताको जिम्मेवारी दिइएको बताइएको छ । यस्तै सदीक्षा श्रेष्ठलाई अफिसियल कोरियोग्राफरको जिम्मेवार दिइएको छ भने अर्की पूर्व नेपाल सुन्दरी मनिता देवकोटालाई प्रशिक्षक तथा प्रतियोगीलाई तालिमकर्ताको रुपमा सहयोग पुर्याउने गरि जिम्मेवारी तोकिएको छ।
उक्त जिम्मेवारीका लागि उनीहरुलाई आधिकारिक रुपमा नियुक्ती गरिसकेको मिस नेपाल नर्थ अमेरिका आयोजक समितिले जानकारी दिएको छ ।
गत बर्ष अर्थात २०२० मा कोरोना महामारीको कारण उक्त प्रतियोगिता स्थगित भएको थियो । स्थगित भएको उक्त कार्यक्रम पुन आयोजना गर्ने तयारी भएको आयोजकले जनाएको छ । कार्यक्रम आगामी अगस्त ७ गते शनिबारको दिन आयोजना हुने मिस नेपाल नर्थ अमेरिका आयोजक समितिले जानकारी दिएको छ ।
Discussion about this post