बिशेष अनलाइन । नजिकिदै गरेको बिजया दशमी तथा शुभ दिपावलीलाई मध्यनजर गर्दै दाहाल प्रतिष्ठान इटहरीले शुभकामना आदान प्रदान कार्यक्रम सम्पन्न गरेको छ । दाहाल प्रतिष्ठान केन्द्रिय अध्यक्ष सालिग्राम दाहाल प्रमुख अतिथि रहेको कार्यक्रमको अध्यक्षता दाहाल प्रतिष्ठान इटहरीका अध्यक्ष प्रलाद दहालले गरेका थिए ।
कार्यक्रममा दाहाल परिवारका ३ जना ज्यष्ठ सदस्यहरुलाई सम्मान गर्नुका साथै दाहाल परिवार भित्रका एस इइ उतिर्ण गर्ने १८ जना बालबालिकाहरुलाई नगद सहित सम्मान गरिएको थियो । नेपालले आइटी क्षेत्रमा फड्को मारेको कुरालाई मध्यनजर गर्दै कार्यक्रममा दाहालहरुको बंसावली रहने गरी दाहाल वंसावली वेवसाइड सार्वजनिक गरिएको प्रतिष्ठान इटहरीका अध्यक्ष प्रलाद दहालले जानकारी दिएका छन् ।
कार्यक्रममा दाहाल प्रतिष्ठानको भवन निर्माणका लागि १ कट्ठा १० धुर जग्गा खरिद सम्पन्न गरिएको जानकारी गराउदै सबैको सहयोगमा छोटो समय भित्रमा भवन निर्माण कार्य सुचारु गरिने जानकारी गराइएको थियो । दाहाल प्रतिष्ठान इटहरीका सचिव सुमन दाहालले सञ्चालन गरेको कार्यक्रममा उपाध्यक्ष सुरेष दाहालले उपस्थित सबैलाई स्वागत गरेका थिए । कार्यक्रम समापन र धन्यवाद ज्ञापन भने प्रष्ठिानका कार्यसमिति सदस्य तिर्थ दाहालले गरेका थिए ।
कार्यक्रममा हास्य कलाकार तुलसी घिमिरेको समुहले निृत्य तथा हास्य व्यंग्य प्रस्तुति दिएको थियो ।
Discussion about this post