समिक्षाको स्पष्टिकरणः पल मेरो अभिभावक हो

बिशेष अनलाइन । पछिल्लो समय अभिनेता पल शाह र गायिका समिक्षा अधिकारीको प्रेमचर्चाले मनोरञ्जन नगरी तातिएको छ । कतिपय मिडियाहरुले समिक्षा र पल बिचमा बिवाहको लिखित सम्झौता नै भएको उल्लेख गरिरहेका छन् । केही मिडियाहरुले त ठुला र नाम चलेका मिडियाकर्मीहरुले अभिनेता शाहबाट पैसा लिएर खबर गुपचुप बनाएको आरोप लगाएका छन् । एपि वान टेलिभिजनको कार्यक्रम रजतपटमा एक रिपोर्ट प्रसारण भए पछि यो विषयले एका एक चर्चा पाएको छ ।

बिभिन्न सामाजिक सञ्जालमा पल र समिक्षा बिचमा रहेको प्रेम र लिखित सम्झौताको कुरा आए पछि गायिका समिक्षा अधिकारीले उक्त कुराको खण्डन गरेकी छन् । उनले सामाजिक सञ्जाल फेसबुकमा लामो स्ट्याटस लेख्दै मिडिया आएको सबै कुरा सत्य नभएको बताएकी छन् । उनले अभिनेता पल शाह आफ्नो अभिभावक भएको र अभिभावककै हैसियतले आफुलाई सहयोग गरेको उल्लेख गरेकी छन् ।

“पछिल्लो समय मेरो बारेमा नायक पल शाह ज्यु सङ्ग जोडेर हुँदै नभएको कपोलकल्पित समाचार हरु आएका छन् यसप्रति मेरो गम्भीर ध्यानाकर्षण भएको छ।” गायिका अधिकारीले भनेकी छन् । उनले समाचारमा आफ्नो र अभिनेता पल शाहको सम्बन्ध लाई तोड मोड गरेर तुच्छ प्रकारका कुराहरु मेडियामा आएको र उक्त कुराले आफ्नो चरित्र हत्या भएको उल्लेख गरेकी छन् ।

समिक्षाले बिना स्रोत अफबाह मा लेखिएका समाचारले सामाजिक र चारितृक रुपमा निकै नै असर पुराएको बताएकी छन् । समिक्षाले आफु अभिनेता पल शाहको फ्यान भएको बताएकी छन् । “एउटै इण्डसट्रीजमा भएको हिसाबले पल जि ले मलाई अभिभावकको हिसाबले माया गर्नुहुन्छ जुन माया उहाले आफुसङ्ग जोडिएका सबै सहकर्मी हरुलाई गर्नुहुन्छ र गरिरहनु हुनेछ। मेरो कला र क्षमतालाई माया संरक्षण गर्नुहुन्छ म उहाको सदैव फ्यान पनि हु।” समिक्षाले भनेकी छन् ।

पल शाह र आफुले साथमा काम गरिरहेको तर कुनै प्रकारको अनैतिक सम्बन्ध नरहएको र दर्शकको माया रहेसम्म सधै राम्रो काम गरिरहने उनले अभिब्यक्ति दिएकी छन् । “म जे छु जहा छु यो सब मेरा भगवान रुपि दर्शक श्रोताको देन हो र हजुरहरुलाई कुनै पनि कुराले निराश गर्न सक्दिन र गर्ने छैन। मेरो बारेमा मेडियामा आएका झुटा समाचारहरु प्रती घोर निन्दा गर्दछु र हजुरहरु यसको पछाडी नलाग्नुहुन हार्दिक अनुरोध गर्दछु।” समिक्षाले भनेकी छन् ।

हेर्नुह्स गायिका समिक्षा अधिकारीले लेखेको स्ट्याटस उनकै शैलिमा

नमस्कार

मलाई समिक्षा अधिकारी बनाउनु हुने मेरा सम्पुर्ण दर्शक श्रोता ज्युहरुमा हार्दिक नमन गर्दछु। पछिल्लो समय मेरो बारेमा नायक पल शाह ज्यु सङ्ग जोडेर हुँदै नभएको कपोलकल्पित समाचार हरु आएका छन यसप्रति मेरो गम्भीर ध्यानाकर्षण भएको छ। समाचारमा मेरो र पल जि को सम्बन्ध लाई तोड मोड गरेर तुच्छ प्रकारका कुराहरु मेडिया मा आएका छन जसले मेरो चरित्र हत्या भएको छ। यसका साथ साथै पल जि को क्यारिअर माथि आच आउने किसिमले सस्तो प्रचार बाजि गरिराको छन। यसो नगर्नुहुन अनुरोध गर्दछु। बिना स्रोत अफबाह मा लेखिएका यी समाचार ले हामिलाई सामाजिक र चारितृक रुपमा निकै नै असर पुराएको छ यस कुरा प्रती म र मेरो परिवार खेद प्रकट गर्दछौ । एउटै इण्डसट्रीज मा भएको हिसाबले पल जि ले मलाई अभिभावक को हिसाब ले माया गर्नुहुन्छ जुन माया उहाले आफुसङ्ग जोडिएका सबै सहकर्मी हरुलाई गर्नुहुन्छ र गरिरहनु हुनेछ। मेरो कला र क्षमता लाई माया संरक्षण गर्नुहुन्छ म उहाको सदैव फ्यान पनि हु। र हामिबिच मा कुनै प्रकारको अनैतिक सम्बन्ध नरहएको र हामी केवल साथमा काम गरिरहेको छौ र हजुरहरुको माया रहेसम्म सधै राम्रो काम गरिरहने छौ। राष्ट्रको चौथो अङ्ग मानिएको पत्रकारिता का अग्रज र दिग्गज अभिभावक हरुले पनि यसरी मान हानी र चरित्र हत्या हुने किसिमले लेखिएका समाचार ले निकै दुखी छु। मैले यो अपेक्षा गरेको थिएन ।

म जे छु जहा छु यो सब मेरा भगवान रुपि दर्शक श्रोता को देन हो र हजुरहरुलाई कुनै पनि कुराले निराश गर्न सक्दिन र गर्ने छैन। मेरो बारेमा मेडियामा आएका झुटा समाचार हरु प्रती घोर निन्दा गर्दछु र हजुरहरु यसको पछाडी नलाग्नुहुन हार्दिक अनुरोध गर्दछु। अन्त्यमा सम्पुर्ण पत्रकार ज्युहरु लाई पनि हार्दिक निबेदन गर्न चाहन्छु कसैको व्यक्त्तिगत जिवनमा आच आउने मान हानी तथा चरित्र हिन हुने किसिमको समाचार नबनाउनु होला।

सबैलाई धेरै धेरै माया

धन्यबाद।