बिशेष अनलाइन । पछिल्लो समय राज कुन्द्राका कारण बलिउड तातिएको छ । दिनदिनै उक्त बिषयमा चर्चा चुलिदै गएको छ । कतिपयले त अभिनेत्री शिल्पा सेट्टी राज कुन्द्रासँग डिभोर्सको तयारीमा रहेको समेत चर्चा भइरहेको छ । यसै बिच बलिउड अभिनेत्री शिल्पा सेट्टीले विभिन्न सञ्चारमाध्यमहरूले आफ्नो मानहानी गरेको भन्दै अदालतमा मुद्धा दायर गरेकी छिन् । उनले विभिन्न सञ्चारमाध्यमहरूसँग २५ करोड भारू बराबरको क्षतिपूर्ति माग गरेकी छिन् ।
टाइम्स अफ इन्डियामा प्रकाशित भएको समाचार अनुसार शिल्पाले पछिल्लो समय विभिन्न मिडियामा प्रकाशित समाचार र भिडियोले अफवाह फैलाएको र मानहानी गरेको भन्दै बम्बै हाइकोर्टमा मुद्दा दायर गरेकी हुन्। अभिनेत्री सेट्टीले सामाजिक सञ्जाल फेसबुक र इन्ष्ट्राग्रामबिरुद्ध समेत मुद्दा दायर गरेकी छिन् ।
शिल्पाका श्रीमान राज कुन्द्रा अश्लील चलचित्र बनाउने गरेको र प्रसारण गर्ने गरेको आरोपमा पक्राउ परेका छन्।सोही विषयमा आफूलाई जोडेर कुनै पनि आधार बिना समाचार र भिडियो मिडियामा प्रस्तुत गरिएको साथै तिनलाई हटाउनु पर्ने अभिनेत्री सेट्टीले माग गरेकी छन् ।
सम्बन्धित मिडियाले माफी माग्नुपर्ने र आफूलाई २५ करोड भारु क्षतिपूर्ति दिनु पर्ने भन्दै शिल्पाले मुद्दा हालेकी हुन्। श्रीमानमाथि लागेको आरोपमा आफ्नो कुनै संलग्नता नरहेको भए पनि झुठो समाचार आइरहेकाले समाज, प्रशंसक र परिवारमा आफ्नो छवि धुमिलिएको शिल्पाले बताएकी छन्।
Discussion about this post