बुबाको महत्त्व झल्काउने लघु चलचित्र ‘मेरो बा’ सार्वजानिक

विशेष अनलाइन । रमेश थापाको लेखन तथा निर्देशनमा तयार परिएको लघु चलचित्र ‘मेरो बा’ सार्वजनिक भएको छ । सोमबार कुशे औँसीको अवसर पारेर पिताको महत्त्व झल्काउने लघु चलचित्र ‘मेरो बा’ सार्वजनिक गरिएको हो ।

तीजमा दर खाने चलनको बढ्दो विकृति, बाबुलाई छोराबुहारीले गर्नुपर्ने माया र सम्मानको कमीबाट उत्पन्न हुने कठिनाइको कथा चलचित्रले उठाएको छ । आधुनिकताका नाममा अनपढ बाबुआमालाई त्यसपछिको पुस्ताले गर्ने व्यवहार राम्रो नभइरहेको अवस्थामा त्यसैको प्रतिनिधि कथामा लघु चलचित्र तयार गरिएको निर्देशक थापाले बताए ।

लघु चलचित्रमा प्रभाकर न्यौपाने, विकास जोशी, अनुज अधिकारी, मेघराज पौडेल, श्याम मगर, टेक बहादुर घले, दीपेन्द्र थापा, खगेन्द्र धामी, प्रान्जिल सापकोटा लगायतका साथै बालकलाकार रियांशी थापा र सन्तोष बटाला लगायत कलाकारहरुको अभिनय रहेको छ।
बालकृष्ण श्रेष्ठ र विक्रम चिमौरियाको सम्पादन रहेको छ ।।
चन्द्र विनायक फिल्म्सको ब्यानरमा निर्माण गरिएको यो लघु चलचित्रकी निर्मात्री दिपा मल्ल थापा हुन् ।