विशेष अनलाइन । सुयोग गुरूङ निर्देशित चलचित्र ‘जेरीः अन टप’ को प्रदर्शन मिति तय भएको छ। चलचित्रलाइ भ्यालेन्टाइन डेको अवसर पारेर फागुन २ गतेदेखि प्रदर्शनमा ल्याइने निर्माता सरोज न्यौपानेले बताएका छन् ।
चलचित्र निर्माताले न्यौपाने भन्छन् ,’निर्माण टिमले शुक्रबार वितरक फाइनल गर्दै प्रदर्शन मितिबारे छलफल गरेको थियो। ‘वितरकसँग भएको छलफलमा उक्त डेट उपयुक्त लागेकोले सोही मितिमा चलचित्रलाई ल्याउने घोषणा गरेका छौं’।चलचित्र ‘जेरीः अन टप’ मा अभिनेता अनमोल केसी, अभिनेत्री आँचल शर्मा र जसिता गुरूङको मुख्य अभिनय रहेको छ ।
९ वर्षअघि प्रदर्शनमा आएको सफल चलचित ‘जेरी’ को दोस्रो शृंखलाका रूपमा ‘जेरीः अनटप’ निर्माण हुन लागेको हो। चलचित्रलाई काठमाडौंमा रिच इन्टरटेन्मेन्ट र काठमाडौं बाहिर एफडी कम्पनिले वितरण गर्ने भएका छन्।
साउन २ गतेदेखि छायांकन सुरू गर्ने तयारी रहेको चलचित्रलाई काठमाडौं, लुक्ला, मुस्ताङ लगायतका स्थानमा खिचिने जनाइएको छ।
Discussion about this post