विशेष अनलाइन । बाबू साहेब बलामी निर्देशित चलचित्र ‘माइली’ मा अभिनेत्री प्रियंका कार्की अनुबन्धित भएकी छन् ।रुना इन्टरटेन्ट्मेन्टको ब्यानरमा निर्माण हुन लागेको चलचित्रमा प्रियंकालाई हालै निर्माण पक्षले अनुबन्धित गरेको हो ।
चलचित्र युनिटले प्रियंकालाई ‘माइली’ मा अनुबन्धित गर्दै पहिलो पोस्टर सर्वजानिक गरेको छ । पहिलो पोस्टरमा प्रियंकालाई ग्रामिण महिलाको चरित्रमा देखाइएको छ ।
निर्देशक बलामीले सत्य घटनामा आधारित हुने भनिएको चलचित्रमा महिलाको पीडा देखाइने बताएक छन् । निर्देशक बलामी भन्छन्, ‘दलित महिलाको श्रीमान नभएपछि समाजले ऊमाथि कस्तो दृष्टि लगाउछ? उसका स–साना नाबलक छोरी हुर्काउन कति कठिन हुन्छ? यहि समाज जातीयताको आडमा कसरी प्रताडित गर्छ भन्ने कथा फिल्ममा देखाइनेछ’ ।
चलचित्र ‘माइली’ असारको अन्तिमबाट छायांकन सुरु गर्ने चलचित्र निर्माण टिमले जनाएको छ । चलचित्र ‘माइली’ मकवानपुरको वीरखर्ग, कुलेखानी, काठमाडौं र दुबईमा खिचिनेछ । चलचित्र शंकर अधिकारी ‘घायल’को गीत र पटकथा, संवाद तथा राजेन्द्र बजगाइको संगीत रहनेछ ।
Discussion about this post