इटहरीमा रुचाइयो ‘महापुरुष’

बिशेष अनलाइन । बहु प्रतिक्षित चलचित्र ‘महापुरुष’को प्रिमियर शो इटहरीमा सम्पन्न भएको छ ।  विभिन्न संघ संस्थाका प्रतिनिधि, व्यावसायिक , राजनीतिक,शिक्षण क्षेत्रका व्यक्तित्वहरु, पत्रकार लगायतको उपस्थितिमा प्रिमियर शो गरिएको हो ।
एकल पुरुषका जिवनमा आइ पर्ने विविध घटनाक्रमहरुलाई चलचित्रमा उत्कृष्ट शैलीमा प्रस्तुत गरिएको छ । हास्य र रोदनको समिश्रणले दर्शक भुलाउन चलचित्र सफल भएको छ ।

इटहरीस्थित इलाइट सिनेमा हलमा प्रदर्शन गरिएको प्रिमियरमा चलचित्रलाई उत्कृष्ट प्रतिक्रिया मिलेको छ ।
पहिलो प्रिमियर काठमाडौ, दोस्रो चितवन हुँदै इटहरीमा तेस्रो  प्रिमियर आयोजना गरिएको हो ।

इटहरी प्रिमियरको संयोजन चलचित्र पत्रकार संघ सुनसरीले गरेको थियो। काठमाडौ केन्द्रित कार्यक्रमलाई चलचित्र पत्रकार संघ सुनसरीकै पहलमा इटहरीमा पनि गरिएको हो । कार्यक्रममा चलचित्रका कार्यकारी निर्मार्ता तथा कलाकार रबिन्द्र सिंह बानियाँ, निर्देशक प्रदिप भट्टराई , अभिनेता अरुण क्षेत्री, अभिनेत्री अन्जना बराइली लगायतको उपस्थिति रहेको थियो ।

चलचित्र कार्तिक ११ गते अर्थात भाइटिकाको भोलिपल्ट देखि देशै भर एकसाथ प्रदर्शनमा आउदै छ ।