बिशेष अनलाइन । इटहरीमा रहेर चलचित्रको विविद विषयमा अध्ययन अध्यापन गराउदै आएको एक मात्र इन्ष्टिच्युट हो पुर्वाञ्चल इन्ष्टिच्युट अफ फिल्म एण्ड टेलिभिजन । पुर्वमा रहेर चलचित्रको विविद विषयमा अध्ययन गर्न चाहाने बिध्यार्थीहरुका लागि यो इन्ष्टिच्युट गतिलो माध्यम बन्दै गएको छ । चलचित्र धेरैको रोजाइमा पर्ने क्षेत्रहरु मध्यको एक हो ।
पुर्वमा रहेका विध्यार्थीहरुले चलचित्र अध्ययन गर्दा काठमाण्डौ अथवा देश बाहिर जानु पर्ने बाध्यतालाई मध्यनजर गर्दै इटहरीमा पुर्वाञ्चल इन्ष्टिच्युट अफ फिल्म एण्ड टेलिभिजन सञ्चालनमा ल्याइएको संस्थाका कार्यकारी प्रमुख रोनिश राउतको भनाइ छ ।
चलचित्र अध्ययन गर्न चाहाने बिध्यार्थीहरुका लागि विशेष छुटका साथ कक्षा सञ्चालन भइरहेको राउतको भनाई छ । यसै बिच धरानमा नेपाल चलचित्रकर्मी महासंघ प्रदेश १ ले चलचित्र निर्माण प्रशिक्षण दिदै छ । कार्यकारी प्रमुख राउतका अनुसार महासंघले आयोजना गर्न लागेको उक्त प्रशिक्षणमा सहभागीहरुलाई चलचित्र अध्ययनका लागि बिशेष छुटको व्यवस्था गरिएको छ ।
उक्त प्रशिक्षण कार्यक्रमका व्यवस्थापकहरु मध्यका एक रहेका राउतले तालिममा सहभागी मध्य एक उत्कृष्ट प्रशिक्षार्थीलाई कार्यदक्षताका आधारमा चलचित्र अध्ययनका लागी सय प्रतिशत छुटको व्यवस्था गरिएको जानकारी दिए ।
उत्कृष्ट बिध्यार्थी छनौट गर्ने जिम्मेवारी सोही तालिमका प्रशिक्षकहरुलाई दिइने राउत बताउछन् । तालिम लिनेहरु मध्यबाट उत्कृष्ट ३ जना छनौट गरिने र ३ जनाबाट पनि उत्कृष्ट छनोट गरी चलचित्र अध्ययनका लागि पुरै छुट दिइने छ । उत्कृष्ट बन्न सफल प्रशिक्षार्थीले चलचित्र अध्ययन गर्न नचाहे उत्कृष्ट ३ मा दोस्रो हुने प्रशिक्षार्थीलाई उक्त अवसर प्रदान गरिने छ । राउतका अनुसार चलचित्र निर्माण प्रशिक्षणमा सहभागी अन्य जो कोहीले पनि ५० प्रतिशत छुटमा चलचित्र अध्ययन गर्न पाउने छ ।
चलचित्र निर्माण प्रशिक्षण फागुन २३ देखी २८ गते सम्म चल्ने छ भने उक्त तालिममा चलचित्र निर्माण प्रशिक्षणमा अभिनय,लेखन,निर्देशन तथा प्रोडक्सन, सम्पादन,क्यामरा, मिडिया तथा मार्केटिङ,चलचित्र र समाज लगायतका विषयमा प्रशिक्षण दिइने छ ।
तालिमको प्रशिक्षकका रुपमा चलचित्र विकाष वोर्डका अध्यक्ष दयाराम दाहाल, वरिष्ठ कलाकार निर शाह, कलाकार युवराज लामा, भोलाराज सापकोटा,निर्देशक तथा कलाकार दीपाश्री निरौला, रविन्द्र खड्का,निर्माता रक्षा सिंह राणा,छायाकार पुरुषोत्तम प्रधान, निर्देशक जनकदिप पराजुली लगायत रहेका छन् ।
Discussion about this post