बिशेष अनलाइन । नेपाल चलचित्रकर्मी महासंघ प्रदेश १ ले चलचित्र निर्माण प्रशिक्षण दिने भएको छ । धरानमा पत्रकार सम्मेलनको आयोजना गर्दै महासंघले कार्यक्रमको तयारी पुरा भएको जानकारी दिएको हो । फागुन २३ देखी २८ गते सम्म चल्ने चलचित्र निर्माण प्रशिक्षणमा अभिनय,लेखन,निर्देशन तथा प्रोडक्सन, सम्पादन,क्यामरा, मिडिया तथा मार्केटिङ,चलचित्र र समाज लगायतका विषयमा प्रशिक्षण दिइने महासंघका अध्यक्ष अरुण कुमार प्रधानले जानकारी दिए ।
प्रशिक्षकका रुपमा चलचित्र विकाष वोर्डका अध्यक्ष दयाराम दाहाल, वरिष्ठ कलाकार निर शाह, कलाकार युवराज लामा, भोलाराज सापकोटा,निर्देशक तथा कलाकार दीपाश्री निरौला, रविन्द्र खड्का,निर्माता रक्षा सिंह राणा,छायाकार पुरुषोत्तम प्रधान, निर्देशक जनकदिप पराजुली लगायत रहेका छन् ।
प्रदेश १ लाई केन्द्रमा रहेका चलचित्रकर्मीहरुले हेर्ने दृष्टिकोण हेपाहा प्रवित्तिको भएको र उक्त दृष्टिकोणमा परिवर्तन ल्याउने उद्देश्यका साथ कार्यक्रमको आयोजना गर्न लागिएको अध्यक्ष प्रधानको भनाई छ । कोभिड १९ पछिको ठप्प चलचित्र नगरीलाई चलायमान बनाउने अर्को उद्देश्य रहेको अध्यक्ष प्रधानले बताए ।
प्रदेश १ का १४ जिल्लामा भएका पर्यटकिय क्षेत्रका बिषयमा अन्तरकृया गरी त्यस्ता सम्भावित क्षेत्रमा चलचित्र छायांकनको लागि चलचित्रकर्मीलाई आकर्षित गराउन पनि उक्त कार्यक्रमले महत्वपूर्ण भुमिका निर्वाह गर्नेमा आफु विश्वस्त रहेको महासंघका महासचिव दिनेश कोइरालाको भनाई छ ।
१४ जिल्ला बाट कम्तिमा ५० जना दक्ष जनशक्ति प्राप्त गर्ने लक्ष्य सहित प्रशिक्षणको आयोजना गर्न लागिएको हो । महासचिव कोइरालाका अनुसार प्रशिक्षण धरानको हरियाली सामुदायिक बनको हलमा आयोजना हुने छ । २ हजार शुल्क तोकिएको उक्त तालिममा टाढाबाट आउने प्रशिक्षार्थीहरुलाई खान तथा बस्नका लागि समेत व्यवस्था गारिएको छ ।
प्रशिक्षणमा सहभागीहरु मध्ये उत्कृष्ट एकजनालाई इटहरी स्थित पुर्वान्चल इन्स्टिच्युट अफ फिल्म एण्ड टेलिभिजनले फिल्मिङ कोर्षको लागि निशुल्क सिक्ने व्यबस्था मिलाएको छ । साथै अन्य सहभागी जो कोहीले फिल्मिङ कोर्ष गर्न चाहको खण्डमा ५० प्रतिशत छुटको व्यवस्था गरिएको पुर्वान्चल इन्स्टिच्युट अफ फिल्म एण्ड टेलिभिजनका प्रबन्धक रोनिश राउतले जानकारी दिए ।
चलचित्र विकाष वोर्डको सहकार्यमा नेपाल चलचित्रकर्मी महासंघ प्रदेश १ ले आयोजना गर्न लागेको उक्त प्रशिक्षण कार्यक्रमको संयोजन नेपाल चलचित्र निर्देशक समाज काठमाण्डौले गर्ने छ ।
Discussion about this post