बिशेष अनलाइन । नेपाल चलचित्र निर्देशक समाजको आयोजनामा जातिय विभेद विरुद्धको लघु चलचित्र निर्माण प्रतियोगितमा उत्कृष्ट २० मा पर्न सफल लघु चलचित्रहरु मध्यको एक हो “देउतालाई नचढ्ने फुल” । नेपाल चलचित्रकर्मी महासंघको प्रस्तुतिमा निर्माण भएको लघु चलचित्र “देउतालाई नचढ्ने फुल” लाई प्रकाश सुब्बाले निर्देशन गरेका हुन् । जतिय विभेदको उत्कृष्ट कथा प्रस्तुत गरेको लघु चलचित्र “देउतालाई नचढ्ने फुल” को कथा तथा छायांकन पनि निर्देशक सुब्बाले नै गरेका हुन् ।
भगावानको मुर्ती दलितले निर्माण गर्छ तर त्यही मुर्तीलाई कुनै स्थानमा हस्तान्तरण गरिसके पछि दलितले छुन समेत नपाउने कथालाई चलचित्रमा प्रस्तुत गरिएको छ । बिशेष गरी एक बालिकाले जातिय बिभेदको बिरोध गरेको कथालाई चलचित्रले उत्कृष्ट शैलिमा प्रस्तुत गरेको छ ।
३ मिनेट १ सेकेण्डको लघु चलचित्रमा रितेशजंग खत्री,दिनेश कोइराला, अन्जना थापा,सरिता खवास, मधु कोइराला, उमेश घिमिरे,स्याम लुइटेल लगायतका कलाकारहरुको अभिनय रहेको छ भने बाल कलाकारका रुपमा नासाङ लिम्वुले उत्कृष्ट अभिनय गरेकी छन् । चलचित्रको सम्पादन हेमन्त तामाङले गरेका हुन् ।
नेपाल चलचित्र निर्देशक समाजले कानुन,न्याय तथा संसदीय व्यवस्था मन्त्रालय र युनडीपीसँगको सहकार्यमा जातीय विभेदविरुद्ध लघु चलचित्र निर्माण प्रतियोगिता आयोजना गरेको थियो । निर्देशक समाजका महासचिव जनकदीप पराजुलीका अनुसार ६ सदस्यीय निर्णायक समूहले जातीय विभेद र उन्मुलनलाई कलात्मक शैलिमा प्रस्तुत गर्ने उद्देश्य सहित २० लघु चलचित्रलाई प्रारम्भिक चरणमा छनौट गरेको हो ।
उत्कृष्ट २० मा पर्न सफल लघु चलचित्रहरुलाई अपलोड गरिएको मितिले दुइ हप्तासम्म दर्शकको अवलोकनका लागि सामाजिक सञ्जालमा राखिएको छ । चलचित्रले पाउने भ्युज तथा प्रतिक्रिया एवम् निर्णायकको निर्णयका आधारमा विजेता चलचित्रको घोषणा गरिने आयोजकले जानकारी दिएको छ । दर्शकले दिने प्रतिक्रियाको अंकभार ५० प्रतिशत राखिएको छ भने ५० प्रतिशत निर्णयमा निर्णायकको भुमिका रहने छ । प्रतियोगितामा पहिलो हुने लघु चलचित्रले नगद २ लाख रुपैँया, दोस्रो हुनेले १ लाख ५० हजार र तेस्रो हुनेले ५० हजार रुपैँया प्राप्त गर्ने आयोजकले जानकारी दिएको छ ।
हेर्नुहोस लघु चलचित्र “देउतालाई नचढ्ने फुल”
Discussion about this post