विशेष अनलाइन । छोटो चलचित्रका कथा लेखक, निर्देशक तथा निर्माता होम पी. भट्टराई यसपटक मोडल पनि बनेका छन् । उनले मैथिली भाषाको म्युजिक भिडियोमार्फत मोडल प्रियंका चौधरीसँग मुख्य भूमिकामा डेब्यु गर्दै छन्।
प्रियंकासँगको हट तस्बिरसमेत सार्वजनिक हुँदै गर्दा यो भिडियोप्रति दर्शकको चासो झन् बढेको छ।
नेपाली चलचित्र ‘ड्रिम गर्ल’, ‘विमान’, ‘गोल’, ‘बनरक्षक’ लगायतका फिल्म तथा चर्चित टेलिसिरियल ‘मेरी मास्सै’ मा समेत अभिनय गरिसकेका भट्टराई हालै छायांकन सम्पन्न भएको मैथिली–नेपाली कल्चरमा आधारित चलचित्र ‘बहुरिया’ मा समेत देखिएका छन्।
छिट्टै नै दर्शकमाझ नयाँ प्रस्तुति ल्याउन तयारी भइरहेको बताउँदै कलाकार भट्टराईले उक्त म्युजिक भिडियोमार्फत दर्शकलाई पूर्ण मनोरञ्जन दिने विश्वास व्यक्त गरेका छन्।
भिडियोको निर्माण गायक तथा गीतकार झोटन मेहताले गरेका हुन् भने छायांकन तथा सम्पादन चन्दन शर्माले सम्हालेका छन्। भिडियो आगामी पूस १२ गते ‘अपन स्वार्ग नेपाल’ युट्युब च्यानलमार्फत सार्वजनिक गरिने निर्माता मेहताले जानकारी दिएका छन्।
Discussion about this post