विशेष अनलाइन । याम शेर्पाले निर्देशन गरेको चलचित्र ‘कार्साङ’को फस्टलुक पोस्टर सार्वजनिक भएको छ । बुधवार निर्माण टिमले चलचित्रको एक पोस्टर सार्वजानिक गर्दै प्रदर्शन मिति पनि तय गरेको छ । यस चलचित्र पुस २६ गतेबाट सार्वजानिक प्रदर्शनमा आउने निर्माण पक्षले जानकारि दिएको छ ।
चलचित्रको सार्वजनिक पोस्टरमा दुई मुख्य कलाकार दयाहाङ राइ र सिर्जना निङलेखुलाई देखाइएको छ । यस चलचित्रबाट सिर्जना निङलेखुले डेब्यु गर्दै छिन् ।
चलचित्रको पोस्टरमा दयाहाङ सुरुवाल लगाएर आँगनमा उभिएका छन् । उनको क्रुद्ध अनुहार हेर्दा उनले कसैसँग झगडा गरेको र बदलाको भाव देखिन्छ । छेउमा उनकी श्रीमतीको भूमिकामा सिर्जना छिन् । उनी रोइरहेकी र आँगनमा रक्सी पोखिएको छ । शेर्पा समुदायको कथावस्तु बुनिएको यो चलचित्रले माओवादी सशस्त्र द्वन्द्वकालीन कथा पेश गर्छ । जतिबेला माओवादीले रक्सी खान र उत्पादन गर्न गाउँमा रोक लगाएको थियो ।
चलचित्रमा जितु नेपाल, दीया मास्के, बुद्धि तामाङ, प्रेम लोप्चन, डोमा ह्योल्मो, सृष्टि गौतम, छोकी शेर्पा, सुरवीर पण्डित र कर्मा शेर्पा लगायत कलाकारहरुको अभिनय रहेको छ ।
सिन्धुपाल्चोक जिल्लाको बाह्रबिसे नगरपालिका र भोटेकोसी गाउँपालिका क्षेत्रमा चलचित्रको छायाङ्कन गरिएको हो । यार्सा फिल्म्स र पुरुषोत्तम प्रधान फिल्म्सको प्रस्तुतिमा चलचित्र निर्माण भएको हो ।
Discussion about this post