विशेष अनलाइन । अर्जुन सुवेदी निर्देशित चलचित्र ‘सोल्टिनी’को टिजर बिहीबार सार्वजनिक गरिएको छ । चलचित्रको टिजरमा प्रकाश सपुत र परीक्षा लिम्बुबिचको प्रेम र समाजको कठोर यथार्थ देखाइएको छ । टिजरले चलचित्रले ग्रामीण जीवनशैली, प्रेमकथा र सामाजिक सङ्घर्षलाई दृश्यात्मक ढङ्गले उतारेको अनुमान लगाउन सकिन्छ ।
कात्तिक ६ गते भाइटिकाको दिन प्रदर्शन हुने चलचित्रमा प्रकाश र परीक्षासँगै विल्सन विक्रम राई, सब्बु गुरुङ, रवीन्द्र झा, प्रकाश घिमिरे, प्रेम सुब्बा, कविता आले, सुन्दर धिताल, सुजन खतिवडा लगायतका कलाकारहरुको अभिनय रहेको छ।
‘हर्क साम्पाङ रिभोलुसन एन्ड द टिम’ कार्यकारी निर्माता रहेको चलचित्र इलाम बजार, बिब्ल्याँटे, कन्याम, बिर्तामोड, पथरी र भोजपुरका रमणीय स्थानमा छायाङ्कन भएको हो । प्रशान्त सिवाकोटी र हर्कुलस बस्नेतको सङ्गीत, सुशन प्रजापतिको छायाङ्कन रहेको चलचित्रलाई रेजिना बिस्ट र संसार चौलागाईँले निर्माण गरेका हुन् ।
Discussion about this post