विशेष अनलाइन । सामाजिक कथामा आधारित नेपाली चलचित्र ‘स्त्री’को शुभमुहूर्त गरिएको छ । ऋषि पञ्चमीको अवसर पारेर कमलादीस्थित गणेशस्थान मन्दिरमा क्यामेरा पूजा गर्दै फिल्मको शुभ साइत गरिएको हो ।
जीवन शाहीको लेखन र निर्देशन रहने चलचित्रको छायाङ्कन भदौ १४ गतेदेखि सुरु हुने र करिब ३५ दिनसम्म काठमाडौं र वरपरका स्थानमा निरन्तर गरिने निर्माण पक्षले जनाएको छ।
मेला रेकर्डिङ स्टुडियोको ब्यानरमा तयार हुन लागेको ‘स्त्री’ का निर्माता समिर राई र डा। सुकदेव बिष्ट हुन्। चलचित्रमा प्रमोद अग्रहरी, सलोन बस्नेत, रिस्ता बस्नेत र नम्रता श्रेष्ठ मुख्य भूमिकामा देखिनेछन्। साथै, बाल कलाकार दिप्सन चिलवाल र दीपेन्द्र चिलवाल पनि महत्वपूर्ण पात्रमा रहनेछन्।
संगीत बाबुल गिरीले भर्नेछन् भने द्वन्द्व निर्देशन देव महर्जनले गर्नेछन्। सहनिर्देशक चन्द्र भण्डारी, प्रोडक्सन म्यानेजर केवलमान सिंह बस्नेत र प्रोजेक्ट म्यानेजर सुवास काफ्ले पनि निर्माण टोलीमा संलग्न छन्।
Discussion about this post