इटहरी / देश कोरोना भाइरस महामारीको चपेटामा छ । सबैजसो क्षेत्र यस समय ठप्प छन् । कोरोना भाइरसले धेरै क्षेति पुर्याएका क्षेत्रहरु मध्य एक हो सिने नगरी । सिने नगरीका अधिकांश कलाकारलो आफ्नो रोजीरोटी नै गुमाएका छन् । तर यसै क्षेत्रका केही अभिनेत्रीहरुलाई भने कोरोना भाइरसका कारण जारी लकडाउन राम्रै अवसर बनेको छ भन्दा फरक नपर्ला । नेपाली सिने नगरीका केही अभिनेत्रीहरु यतिबेला गर्भवती छन् । उनिहरुले लकडाउको फाइदा उठाएका हुन् या अवस्था आफै सृजना भएको हो त्यो उनिहरुलाई नै थाहा छ, तर जे भए पनि सिनेनगरी चलमलाउन सुरु गर्दासम्म उनिहरु सन्तान हुर्काउदै आफ्नो कामलाई निरन्तरता दिने तयारीमा भने पक्कै छन् ।
अभिनेत्री प्रियंका कार्की, गरिमा पन्त, ऋचा शर्मा र रक्षा श्रेष्ठ यतिबेला सन्तानलाई स्वागत गर्ने तयारीमा छन् । यि गर्भवती अभिनेत्रीहरुमध्य निकै चर्चामा छिन् अभिनेत्री प्रियंका कार्की । दैनिक जसो बिभिन्न शैलीमा आफु गर्भवती भएको तस्विर सार्वजनिक गरेकै कारण उनी चर्चामा त छिन् नै आलोचना र ट्रोलको सिकार पनि भइरहेकी छिन् । तर काग कराउदै गर्छ पिना सुक्दै गर्छ भन्ने उखान जस्तै, जस्ले जस्तो प्रतिकृया दिए पनि उनी आफ्नै दुनियाँमा रमाइरहेकी छिन् । बेबी बम्प गरेको कारणले भन्दा पनि अभिनेत्री कार्की पश्चिमा संस्कृतीको नक्कलका कारण ट्रोल र आलोचनाको सिकार बन्ने गरेकी छिन् ।
यस्तै पछिल्लो समय चर्चामा रहेकी अर्की गर्भवती अभिनेत्री हुन् गरिमा पन्त । उनी नेपाली चलचित्र नगरीबाट गुमनाम भइसकेकी छिन् भन्दा फरक पर्दैन । किनभने उनी करिव ५ वर्ष देखी सिने नगरीमा देखिएकी छैनन् । अभिनेत्री पन्त आफ्ना श्रीमानका साथमा अमेरिकामा बस्दै आएकी छिन् । सामाजिक सञ्जालमा प्रियंका पछी बेबीबम्प तस्विर सार्वजनिक गर्ने अभिनेत्रीमा पर्छिन उनी । अभिनेत्री पन्तले पनि दैनिक जस्तो आफ्नो आगान्तुक सन्तानका साथ तस्विर सार्वजनिक गर्ने गरेकी छिन् । उनले पछिल्लो समय पोष्ट गरेको तस्विरलाई आधार मान्दा अभिनेत्री पन्त गर्भवती भएको ७ महिना पुरा भएको छ, र अबको केही महिना भित्रमा उनी आमा बन्दै छिन् । नेपाली सिने नगरीबाट बिलाएकी अभिनेत्री पन्तलाई आगन्तुक सन्तानले यतिबेला पुन एक पटक चर्चामा आउने अवसर जुटाइदिएको छ ।
यस समय आफ्नो सन्तानलाई संसार देखाउन प्रतिक्षा गरिरहेकी अर्की अभिनेत्री हुन् ऋचा शर्मा । उनले अभिनय गरेका अधिकांश चलचित्रले नेपाली दर्शकको मन जित्न सकेका छैनन् । तर, नेपालकै पहिलो कमेडी रियालिटी शो कमेडी च्याम्पियनको निर्णायकको भुमिकामा भएका कारण पनि उनी यतिबेला चर्चामा रहेकी छिन् । केही समय अघि अभिनेत्री प्रियंका कार्कीसँग भेटेर उनले आफ्नो गर्भवती तस्विर र्सावजनिक गरेकी थिइन् । अभिनेत्री प्रियंका कार्की र गरिमा पन्तको तुलनामा ऋचा शर्माको भने कम चर्चा हुने गरेको छ । सयद उनले तडक भडक सहितको तस्विर सार्बजनिक नगरेका कारणले पनि उनको चर्चा काम भएको हो भन्दा फरक नपर्ला ।
यस समयमा सन्तानको प्रतिक्षामा रहेकी अर्की अभिनेत्री हुन् रक्षा श्रेष्ठ । उनलाई हास्य कलाकार भन्दा पनि फरक नपर्ला । नेपाल् चलचित्रमा अभिनय नगरे पनि हास्य टेलिश्रृंखला सक्कि गो नी र बिभिन्न म्यूजिक भिडियोमा काम गरेर अभिनेत्री श्रेष्ठले धेरै फ्यान फलोइङ कमाएकी छिन् । धेरै मानिसलाई त उनी गर्भवती नहुदा सम्म बिवाहित हुन् भन्ने कुरा पनि थाहा थिएन । यसै लकडाउनको समयमा अभिनेत्री श्रेष्ठ पनि आमा बन्ने तयारीमा छिन् । अन्य अभिनत्रीहरुको तुलनामा रुक्षाको चर्चा पनि खासै हुने गरेको छैन । पछिल्लो समय रक्षाले पनि सामाजिक सञ्जालमा आफु गर्भवती भएको तस्विर भने सार्वजनिक गरेकी छिन् ।
Discussion about this post