विशेष अनलाइन । भारतीय अभिनेता प्रदीप रावत आफ्नो पत्नी कल्याणीसँगै नयाँ नेपाली चलचित्र ‘आ बाट आमा’ को छायांकनका लागि नेपाल आएका छन्। बुधबार दिउँसो काठमाडौं पुगेका उनी त्यही दिनै चितवनतर्फ लागेका थिए।
चलचित्रको छायांकन बिहीबारदेखि चितवनमा सुरु हुने छ। प्रदीप रावत यसअघि निर्देशक चन्द्र पन्तको ‘ह्रस्व दीर्घ’ मा अभिनय गरिसकेका छन् र त्यस समयमा पनि नेपाल भ्रमण गरेका थिए।
यस चलचित्रमा प्रदीप रावतसँगै पल शाह, विपना थापा, उषा उप्रेती, साइग्रेस पोखरेल लगायत कलाकारको अभिनय रहने छ। फिल्ममा प्रदीपले पल शाहको बुबाको भूमिका निभाउने जनाइएको छ।
निर्माता कृष्ण प्रसाद सुवेदीको नेतृत्वमा बन्ने चलचित्रमा ध्रुब न्यौपाने र प्रकाश कुँवर पनि निर्माणमा साथ दिइरहेका छन्। निर्माण पक्षले चलचित्र पारिवारिक र भावनात्मक कथावस्तुमा आधारित हुने जानकारी दिएका छन्।
Discussion about this post