विशेष अनलाइन । किरात चलचित्रकर्मी संघ, कोशी प्रदेशको औपचारिक घोषणा गरिएको छ। किराँत समुदायका चलचित्रकर्मीहरूको भाषा, कला, संस्कृति तथा हकहित संरक्षण गर्ने उद्देश्यसहित किरात चलचित्रकर्मी संघ, कोशी प्रदेशको औपचारिक घोषणा गरिएको हो ।
सोमबार धरानस्थित व्हाइट हाउस कलेजमा आयोजित कार्यक्रममा नेपाल चलचित्रकर्मी महासंघ, कोशी प्रदेशका अध्यक्ष अरुण कुमार प्रधानको प्रमुख आतिथ्यमा सम्पन्न भयो। कार्यक्रममा चलचित्रकर्मी, निर्देशक, निर्माता तथा कलाकारहरूको उल्लेख्य उपस्थिति रहेको थियो।
कार्यक्रममार्फत निर्माता तथा कलाकार सागर सुब्बा सिङ्गलको अध्यक्षतामा ११ सदस्यीय कार्यसमिति गठन गरिएको छ। कार्यसमितिमा मदन बहादुर राई, रोशन बान्तवा, भोगेन्द्र याम्फु, पेसल सुनुवार, ज्योति सुनुवार, रुपक जिमी राई, अबिनास राई, जयन्ती आङ्देम्बे, अशोक लिम्बु तथा हाङ्मा लिम्बू रहेका छन्। नवगठित समितिका सदस्यहरूलाई अबिर र खदा लगाइ सम्मानसहित शुभकामना प्रदान गरिएको थियो।
समारोहमा बरिष्ठ रंगकर्मी तथा निर्देशक विजय संयोग सुब्बा, निर्देशक सुरेन्द्र भुजेल, निर्देशक रबिन श्रेष्ठ, निर्देशक हेमन तामाङ, निर्देशक प्रकाश सुब्बा, बरिष्ठ कलाकार सानुबाबा सुब्बा, कलाकार संघ कोशी प्रदेशका उपाध्यक्ष दिनेश कोइराला, रमेशकुमार कटवाल, राजिव दहाललगायत करिब एक सय जना चलचित्रकर्मीहरूको उल्लेख्य उपस्थिति रहेको थियो।
कार्यक्रमको सञ्चालन दिनेश कोइरालाले गरेका थिए।
संघले आगामी दिनहरूमा किरात समुदायको मौलिक भाषा, संस्कार र सांस्कृतिक सम्पदालाई चलचित्रको माध्यमबाट संरक्षण र प्रवर्द्धन गर्ने प्रतिबद्धता व्यक्त गरेको छ।
Discussion about this post