विशेष अनलाइन । जौन योन्जनको निर्देशनमा बनेको चलचित्र ‘आँखा’को टिजर सार्वजनिक गरिएको छ । बिहिबार सार्वजनिक भएको टिजरले काठमाडौंका विभिन्न नदी किनारमा टहरो बनाएर बसोबास गर्दै आएका सुकुम्बासीहरुको संरचनालाई महानगरले बलपूर्वक हटाउन प्रयास गर्दा उत्पन्न झडप र आन्दोलनलाइ दर्शएको छ ।
काठमाडौंको बागमती नदी किनारको सुकुम्बासी बस्तीमा बस्दै आएका मानिसको कथालाई चलचित्र ‘आँखा’ले उठान गरेको छ । र्षौंदेखि सरकारका लागि टाउको दुखाइको विषय बनेको सुकुम्बासी व्यवस्थापनको समस्यालाइ समेत चलचित्रले उठान गरेको छ ।
निर्देशक योन्जन को कथा, पटकथा लेखन रहेको चलचित्रमा स्मिता लामिछाने, आरके मेहता, सरोज खनाल, पशुपति राई, राजन खतिवडा, लुनिभा तुलाधर, प्रविण खतिवडा, विजय बराल, निशा अधिकारी, बुद्धि तामाङ, अभयराज बराल, रविन्द्र झा लगायत कलाकारहरुको अभिनय रहेको छ ।
निर्देशक योन्जन स्वयं चलचित्रको निर्माता हुन् । चलचित्रको कार्यकारी निर्माता नारायणप्रसाद बराल रहेका छन् ।चलचित्र ‘आँखा’ लामा सिनेमाज्, ढाका टोपी फिल्म्स, कार्यक्रम नेपाल, साइलेन्ट एक्ट तथा ट्राइडेन्ट कन्सेप्टको सहकार्यमा बनेको हो । चलचित्र आलोक शुक्लाले छायांकन गरेका हुन् । चलचित्रमा दिपक आरजे र जयन जे वाइवाको संगीत रहेको छ । कृष्ण भण्डारी र निर्देशक योन्जनको सम्पादन रहेको चलचित्रमा गंगा थापाको पार्श्व संगीत तथा किशोर आचार्यको ध्वनी मुद्रण रहेको छ ।
चलचित्र ‘आँखा’ दशैंलाई लक्षित गर्दै आगामी असोज ११ गतेबाट प्रदर्शनमा आउने तयारीमा रहेको छ ।रोहित-रत्नको कम्पनी आरआर फिल्मसले चलचित्रको वितरण गर्ने भएको छ ।
Discussion about this post