विशेष अनलाइन । सिनेमा ‘मेयर साहेब’ निर्माण हुने भएको छ । राजु गिरीको निर्देशनमा ‘मेयर साहेब’ निर्माण हुने भएको हो । निर्देशक गिरीले सिनेमाको टाइटल पोस्टर सार्वजनिक गर्दै सिनेमा निर्माणको घोषणा गरेका हुन् ।
हाल कलाकार छनौटको काम भैरहेको छ । आगामी भाद्र महिनाबाट चलचित्रको छायांकन सुरु गर्ने तयारी निर्माण टिमको छ । सिनेमा राजनितिक बिषयमाथि निर्माण हुने बताइएको छ ।
निर्देशक गिरीको कथा रहेको सिनेमामा भोजराज देवकोटाको पटकथा तथा संवाद र अर्जुन पोखरेल र सन्तोष श्रेष्ठको संगीत रहनेछ । नारायण खाती सिनेमाका सह–निर्माता हुन् ।
निर्देशक गिरीको निर्देशन रहेको सिनेमा ’नम्बरी सुन’ आगामी भाद्र १ गतेबाट प्रदर्शन हुँदैछ ।
Discussion about this post