विशेष अनलाइन । अभिनेता आर्यन सिग्देल,प्रदीप खड्का र पल शाह एउटै चलचित्रमा देखिने भएका छन् । निर्देशक दिनेश राउतले निर्देशन गर्न लागेको आगामी चलचित्रको मुख्य भूमिकामा यी तीन अभिनेताहरू देखिन लागेका हुन् ।
अभिनेता आर्यनसँग चलचित्रमा काम गर्ने विषयमा मौखिक सहमति भइसकेको र केही दिनमा लिखित सहमति गर्ने तयारी गरिएको निर्माण टिमले जनाएको छ । अभिनेता पल शाह र प्रदीप खड्का भने चलचित्रमा अनुबन्धित भैसकेका छन् । चलचित्रको नाम भने गोप्य राखिएको छ । यति बेला चलचित्र निर्माण युनिट चलचित्रको स्क्रिप्टलाई अन्तिम रूप दिन पोखरामा व्यस्त रहेको बताइएको छ ।
यी तीनै जना अभिनेताको सहभागिताबारे पुष्टि गरे । चलचित्रको छायाङ्कन भदौदेखि सुदूरपश्चिममा हुने चलचित्रका पटकथा तथा संवाद लेखक विकास सुवेदीले जानकारी दिए।
चलचित्रमा अभिनय गर्ने अभिनेत्री तथा अन्य कलाकारहरूको भने टुङ्गो लाग्न बाकी नै रहेको बताइएको छ ।
Discussion about this post