ऋषिराम दाहाल । निर्माता छबिराज ओझाले पुर्व पत्नि तथा अभिनेत्री रेखा थापाको प्रसङ्सा गरेका छन् । निर्माता ओझाले राप्रपाबाट मोरङ –३ को प्रतिनिधि सभा सदस्यमा उम्मेदवारी दर्ता गरेपछि अभिनेत्री थापाको प्रसङ्सा गरेका हुन् । उनले अभिनेत्री थापालाई चलचित्रमा जस्तै राजनीतिमा पनि सफल बन्न शुभकामना दिएका छन् ।
निर्मता ओझाले सामाजिक सञ्जालमा एक स्ट्याटस पोष्ट गर्दै अभिनेत्री थापालाई शुभकामना दिएका हुन् । हुन त यो जोडिको
वैवाहिक सम्बन्ध टुंगिसकेको छ । तर पनि चलचित्र निर्माता ओझा र अभिनेत्री थापाबीचको सम्बन्ध आत्मीय रहेको निर्माता ओझाको स्ट्याटसले पनि प्रमाणित गरेको छ ।
निर्मता ओझाले सामाजिक सञ्जालमा लेखेका छन् ‘कलिलो उमेरमै नेपाली सिनेक्षेत्रमा प्रवेश गरेर नेपाली सिने क्षेत्रकै गौरव बन्न सफल–चलचित्र मार्फत नारी आवाजलाई बुलन्द गर्दै दशौं वर्षसम्म शीर्ष स्थानमा रहन सफल, क्रान्तिकारी मान्यता बोकेकी आँटिली हिम्मतवाली नायिका हाल राप्रपाको नेतृ – रेखा थापाले प्रतिनिधि सभा सदस्य निर्वाचनका लागि मोरङ क्षेत्र नं– ३ बाट उम्मेदवारी दर्ता गरेकी छिन् । रेखाको साहस, आँट र नेतृत्वदायी क्षमतालाई मैले नजिकबाट चिनेको छु । तपाईँको राजनीतिक यात्रा सफल रहनेमा म ढुक्क छु । रेखाजी तपाईँलाई जीतको लागि अग्रिम शुभकामना ।’
अभिनेत्री थापा नेपाली चलचित्र नगरीकी एक सफल अभिनेत्री मानिन्छिन । उनले दर्जनौ चलचित्रमा सफल अभिनय गरेकी छन् भने चलचित्र निर्माण समेत गरेकी छन् । चलचित्र नगरीकी सफल अभिनेत्री थापाको राजनीतिक यात्रा कत्तिको सफल होला त्यो भने हेर्न बाकी नै छ ।
Discussion about this post