बिशेष अनलाइन । यतिबेला सामाजिक सञ्जालमा चौतर्फी चर्चा भइरहेको कमेडी रियालिटी शो हो ‘कमेडी च्याम्पियन सिजन २’ । यो सिजनको ‘कमेडी च्याम्पियन’को उपाधी दाबेदारका रुपमा २ जनालाई हेरिएको छ । ताप्लेजुङका भरतमणी पौडेल हरेक एपिशोडमा उत्कृष्ट प्रस्तुती दिदै फाइनलमा प्रवेश गरिसकेका छन् भने अर्का उपाधी दावेदार मानिएका प्रतियोगी हुन् विक्की अग्रवाल । विक्कीले शोको हरेक एपिसोडमा फरक प्रस्तुति दिँदै नेपाली कमेडीमा नयाँ आयामको सुरुवात गर्दे आएका छन् ।
शनिबारको नयाँ एपिसोडमा पनि विक्कीले फरक गर्ने प्रयास स्वरुप ‘माइम एक्ट’ गरेका थिए । यो एपिशोडमा उनले मानिस निदाएको बेला पनि मानिसको मन कसरी सक्रिय रहन्छ भनेर मोनोलक सहित प्रस्तुत गरेका थिए । विक्कीको आफ्नो नयाँ थिम दर्शक र निर्णायकका लागि नयाँ स्वाद हुने सोचका साथ प्रस्तुति दिएका थिए ।
उनको प्रस्तुतीबाट हाँसोको फोर्रा न आए पनि सन्तोष पन्त बाहेकका निर्णायकहरुले उनको प्रस्तुतीलाई उत्कृष्ट प्रतिकृया दिनुका साथै उठेर सम्मान प्रकट गरेका थिए । तर, निर्णयक मध्यका एक सन्तोष पन्तले विक्कीको प्रस्तुतीको प्रतिकृया दिदै आफुले विक्कीको प्रस्तुती नबुझेको प्रतिकृया दिएका थिए ।
निर्णायक सन्तोष पन्तको उक्त प्रतिकृया पछि विक्की निकै भावुक बनेका थिए भने उनको आँखा आँसुले भरिएको थियो । शोमा अतिथिका रुपमा आएका हास्य कलाकार किरण केसीले पनि विक्कीको प्रस्तुतिको खुलेर प्रशंसा गरेका थिए । ‘शोमा सबै प्रस्तुतिले हँसाउँछ भन्ने छैन । तपाईको प्रस्तुति उत्कृष्ट थियो । खुसी लाग्यो ।’केसीले भनेका थिए ।
विक्कीलाई दिएको प्रतिकृयाका कारण सामाजिक सञ्जालमा निर्णायक सन्तोष पन्त आलोचित बनेका छन् । उनलाई अधिकांश दर्शकले नकारात्मक प्रतिकृया दिएका छन् । कलाकारिताका दृष्टीले पन्त उत्कृष्ट भए पनि निर्णय गर्ने क्षेमतामा निकै कमजोर भएको प्रतिकृया दर्शकबाट आइरहेको छ ।
Discussion about this post