विशेष अनलाइन । चन्द्र पन्तको निर्देशनमा बनेको चलचित्र ‘ह्रस्व दीर्घ’को मार्मिक गित सार्वजानिक भएको छ । मङ्गलबार चलचित्रको ‘भगवान् नै आमा हुन्’ बोलको गित युट्युब मार्फत सार्वजनिक गरिएको हो ।
सार्वजनिक गीतमा सत्यराज आचार्यको गायन तथा बाबुल गिरीको शब्द रचना रहेको छ । सन्तानका लागि एक आमाले गर्ने संघर्ष, त्याग र समर्पणको भाव गीतमा देखाइएको छ । अभिनेत्री विपना थापालाई आमाको रुपमा देखाइएको छ । उनले यही चलचित्रबाट १३ वर्षपछि कमब्याक गरेकी हुन् ।
चलचित्रमा साउथबाट ब्रह्मानन्दम, प्रदीप रावत, सुनिल बर्मा, अली, कबीर दुहन सिंहसहित नेपाली कलाकारहरु विपना सँगै नीता ढुंगाना, हरिहर अधिकारी, सरोज खनाल, रेखा थापा, सञ्चिता लुइँटेल, प्रशान्त ताम्राकार, किरण केसी, रविन्द्र झा लगायतका कलाकारहरुको अभिनय रहेको छ ।
हरिहर अधिकारीको कथा रहेको चलचित्रलाई बलिउडका प्रसिद्ध छायाँकार कवीरलालले खिचेका हुन् । चलचित्रमा प्रतिक पौडेल, निर्देशक पन्त र हरिहरको पटकथा तथा संवाद रहेको छ । नीता ढुंगाना निर्माता र धनन्जय गलानी कार्यकारी निर्माता रहेको चलचित्र विश्वभर नेपाली र हिन्दी भाषामा प्रदर्शन हुनेछ ।
Discussion about this post