विशेष अनलाइन । सुरेश न्यौपानेको निर्देशनमा निर्माण भइरहेको चलचित्र ‘रंगी’को छायांकन पुरा नहुदै आशिष इन्टरटेनमेन्टले मध्यपूर्व र मलेसियाका लागि प्रदर्शन अधिकार खरिद गरेको छ । तिहारअघिदेखि काठमाडौं आसपासका क्षेत्रमा चलचित्रको छायांकन भइरहेको छ ।
सलोन बस्नेत प्रस्तुतकर्ता रहेको चलचित्रमा सलोन सहित नम्रता श्रेष्ठ, दीलिप रायमाझी, आयुषी ढकाल (बाल कलाकार), उत्तम केसी, सुमिन गुरुङ, विशाल पहारी लगायत कलाकारहरुको अभिनय छ । चलचित्रको छायांकन अन्तिम चरणमा पुगेको जनाइएको छ । चलचित्र ‘रंगी’ले बाबु-छोरीबीचको भावनात्मक सम्बन्धको कथा उठाएको छ ।
चलचित्रका निर्माता सक्षम सुवेदी हुन् । चलचित्रमा सुमन गजमेरको लेखन, सौरभ लामाको छायांकन रहेको छ । चलचित्रमा दुर्गेश थापा, आमेश भण्डारी र भीम बिसीको संगीत तथा कविराज गहतराज र शिशिर खातीको कोरियोग्राफी रहेको छ ।
Discussion about this post