बिशेष अनलाइन । कुमार कट्टेलले निर्देशन गर्न लागेको चलचित्र ‘लाज शरणम’मा कलाकार हरिष निरौला (कक्रोज) अनुबन्धित भएका छन् । निर्माण टिमले चलचित्रको मुख्य भूमिकामा निरौलालाई अनुबन्धित गरिएको हो ।
टेलिश्रृंखला ‘सक्किगोनि’ टिमले निर्माण गर्न लागेको चलचित्रको कथा कट्टेल ले लेखेका हुन् । चलचित्रमा सागर लम्साल (बले), अर्जुन घिमिरे (पाँडे), र कमलमणी नेपाल (खुपीका बाउ), मुकुन्द श्रेष्ठ, विजय बराल र माला लिम्बु लगायत कलाकारहरुको अभिनय रहने भएको छ ।
अभिनेता महेश दवाडी र अभिनेत्री रेनु नाथ योगीको समेत अभिनय रहने चलचित्र भदौ तेस्रो साताबाट फ्लोरमा जाने भएको छ । फागुन १४ गते महाशिवरात्रीको अवसरमा नेपालभरका रिलिज हुने बताइएको चलचित्र जेपिटी क्रियसनको ब्यानरमा निर्माण हुन लागेको हो । चलचित्रमा नवीन श्रेष्ठ निर्माता र राम नरेश शाह सह–निर्माताको रूपमा रहेका छन् ।
Discussion about this post