विशेष अनलाइन । भदौ ७ गते शुक्रबारबाट सार्वजनिक प्रदर्शनमा आउन लागेको चलचित्र ‘सतीदेवी’को प्रिमियर सो भएको छ । मंगलबार साँझ बिग मुभिजमा चलचित्रको प्रिमियर सो भएको हो । प्रिमियर सो मा दर्शकले चलचित्र हेरेपछि ‘सतीदेवी’ को चर्चा अझै चुलिएको छ ।
चलचित्रको प्रिमियरमा माइती नेपालकी अध्यक्ष अनुराधा कोइराला, पूर्व आइजीपी सर्वेन्द्र खनाल, मिरुना मगर, चैत्यदेवी सिंह, अभिनेता सलिनमान बनिया, सलोन बस्नेत, निर्देशन दीपेन्द्र लामा, ज्ञानेन्द्र देउजा, दीपाश्री निरौला, अशाेक शर्मा लगायत चलचित्रकर्मी, सञ्चारकर्मीहरुको बाक्लो उपस्थिति रहेको थियो ।
प्रिमियरमा चलचित्र हेरेका दर्शकले लैंगिक समानताको पक्षमा सामाजिक सन्देश दिएको र बाबु र छोरीबिचको स्नेही सम्बन्ध र समाजको पितृसत्तात्मक सोचविरुद्धको संघषको कथा रहेको बताएका छन् ।निर्देशक लक्ष्मण सुवेदीको निर्देशकीय र अभिनेत्री मलिका महतको अभिनयको दर्शकहरुले तारिफ गरेका छन् ।
लक्ष्मण सुवेदी निर्देशित चलचित्रमा मलिका सहित रमेश बुढाथोकी, भोलाराज सापकोटा, कुलदीप अधिकारी, सन्दीपबाबु लोहनी सृजना अधिकारी, मनीषा सापकोटा, सुजिता शिवाकोटी, तुलसी श्रेष्ठ, इश्वरी सिंह, सन्देश लिम्बु, पवन केसी, जगदीश अधिकारी लगायत कलाकरहरुको अभिनय रहेको छ ।
चलचित्र ‘सतीदेवी’ दिलाशा क्रियसन र गोल्डेन स्टेट मुभी मेकर्स एलएलसी क्यालिफोर्नियाको सहकार्यमा निर्माण भएको हो । चलचित्रमा निर्देशक सुवेदीकै पटकथा र संवाद छ । दिलासा र साराको प्रस्तुति रहेको चलचित्रको निर्माता श्रीदेवी, दिलासा र सारा सुवेदी रहेका छन् ।
Discussion about this post