विशेष अनलाइन । दीपाश्री निरौला निर्देशित चलचित्र ‘छक्कापञ्जा ५’ को पहिलो गीत सार्वजनिक भएको छ।सोमबार बेलुका ओएसआर डिजिटल युट्युब च्यानल मार्फत ‘बिहे भाको छैन’ बोलको गीतको भिडियो सर्वजानिक भएको हो । मुख्य कलाकार अभिनेता दीपकराज गिरी र अभिनेत्री वर्षा शिवाकोटीलाइ चलचित्रको गितको भिडियोमा फिचर गरिएको छ ।
सुनिल क्षेत्रीले कोरियोग्राफी गरेको भिडियोको गीतमा सविन सुवेदी र बेनिशा पौडेलको स्वर रहेको छ। यो गितको शब्द दीपकराज गिरी र दीपक शर्मा मिलेर लेखेका हुन्। दीपक शर्माको संगीत निर्देशन रहेको गीतमा रिकेश गुरूङले संगीत संयोजनको काम गरेका छन्।
आमा सरस्वती मुभिज र आइएमआईको प्रस्तुति रहेको चलचित्र ‘छक्कापञ्जा ५’ मा दीपकराज र वर्षा सहित केदार घिमिरेको मुख्य अभिनय रहेको छ ।
चलचित्रको कार्यकारी निर्मातामा केदार र निर्मल शर्मा हुन् । हरि हुँमागाईंको डिओपी रहेको चलचित्रलाइ विपिन मल्लले सम्पादन गर्ने छन् । चलचित्र दसैंको अवसर पारेर असोज २४ गते फूलपातिमा रिलिज हुने भएको छ ।
Discussion about this post