विशेष अनलाइन ।अभिनेता रमित ढुङ्गानाको निर्माण तथा निर्देशित चलचित्र ‘नमेटिने घाउ’को दुई नयाँ पोस्टर सार्वजनिक गरिएको छ । सार्वजनिक एक पोस्टरमा पूर्व शिक्षा मन्त्री देवेन्द्र पौडेल र अर्को पोस्टरमा सांसद ज्ञानेन्द्र शाहीसँगै चलचित्रका मुख्य कलाकारहरू देखिएका छन् ।
प्रधानमन्त्री केपी ओली र पूर्वप्रधानमन्त्री माधव नेपाल समेटिएको पोस्टर र चलचित्रको ‘नमेटिने घाउ’को ट्रेलर यसअघि नै सार्वजनिक भइसकेको छ । चलचित्र ‘नमेटिने घाउ’ भदौ ७ गतेबाट सार्वजानिक प्रदर्शनमा आउन लागेको छ । चलचित्रले एसिड आक्रमणमा परेका ३३ जना पीडितहरूको कथालाई प्रस्तुत गरेको छ ।
चलचित्रमा सुरवीर पण्डित, सुनिल कटुवाल , मुस्कान खातुन, प्राप्ति पौडेल ,इभा गिरी, कमल देवकोटा, सन्दीपबाबु लोहनी, रचना गौतम, प्रभात पाल ठकुरी, आरती आचार्य, अखिल बजगाईं, अपेक्षा न्यौपाने, क्रान्ति शाह, वीरेन्द्र सिंह कुसुहा, लालना चिमोरिया, स्वस्तीमा कार्की, लिजा कोरानी, एलिसा गुरुङ, विशाल देवकोटा, आरजु अधिकारी ,आरजु लेखक लगायत कलाकारहरुको अभिनय रहेको छ ।
चलचित्रमा प्रधानमन्त्री ओली र पूर्व प्रधानमन्त्री नेपाल सहित ‘सांसद द्वय देवेन्द्र पौडेल र ज्ञानेन्द्र शाहीको अभिनय रहेको बताइएको छ । चलचित्रमा प्रहरी उपरीक्षकद्वय बाल नर्सिहॅ राणा र कुमुद ढुगेल, प्रहरी निरीक्षक जे,आर शर्मा लगायत दुई सय भन्दा बढी प्रहरीको अभिनय रहेको छ।
चलचित्रमा शिवम् अधिकारीको कथा रहेको छ । रमित ढुङ्गाना फिल्म प्रोडक्शनको ब्यानरमा निर्माण गरिएको यस चलचित्रमा नीरज कँडेलको छायाङ्कन, बनिश शाहको सम्पादन,ओम सुनारको गायक तथा सङ्गीत र किरण दाहालको एक्सन रहेको छ ।
Discussion about this post