विशेष अनलाइन । कमल एक्चै मगर निर्देशित चलचित्र ‘शिरफूल’ भोलि शुक्रबार प्रदर्शन नहुने भएको छ ।बिहीबार चलचित्रको प्रदर्शन स्थगित गर्दै साउन १८ गते प्रदर्शन गर्ने निर्माण टिमले बताएको छ ।
प्रचार प्रशार कम भएकोले गर्दा र प्राविधिक कारणले चलचित्रको प्रदर्शन मिति सारिएको निर्देशक मगरले जानकारी दिए ।
चलचित्रले छोरीलाई बिम्बको रूपमा बुझाउन खोजेको निर्देशक मगर बताउँछन् । चलचित्रमा आधुनिकताको प्रभावसँगै युवा पुस्तामा देखिएको सांस्कृतिक विकृतिलाई पनि चित्रण गर्ने प्रयास गरिएको छ ।
चलचित्रमा रुपा राना, राज थापा, देवराज आले, विनिता थापा, सुनिल रोका, नमिता तामाङ, पुजा गदाल, लिला गुरुङ, निता पुन, किरण मगर लगायतको अभिनय रहेको छ ।
कमल एक्चै मगर निर्देशित चलचित्र‘शिरफूल’ मा हरि लम्साल र देवराज आले मगरको संगीत छ । देवराज आले मगरको कथा, निरोज श्रेष्ठको छायाङ्कन र मिलन श्रेष्ठको सम्पादन रहेको चलचित्र आशिर्वाद पुनमगर र माया छन्त्याल पुनको लगानीमा बनेको हो । चलचित्रको पटकथा संवाद राज थापा र राजु युगिनले लेखेका हुन् ।
अभिनेत्री मरिस्का पोखरेलको विशेष भूमिका रहेको चलचित्र आरआर फिल्मसले वितरण गर्दैछ ।
Discussion about this post