विशेष अनलाइन । नेपाल चलचित्र कलाकार संघको कोसी प्रदेश शाखाका पदाधिकारीहरूलाई चलचित्रकर्मी महासंघ कोसी प्रदेशले सम्मान तथा बधाई ज्ञापन गरेको छ । कोसी प्रदेश शाखा विस्तार भएपछि इटहरीमा एक कार्यक्रमको आयोजना गर्दै महासंघ कोसी प्रदेशले नवगठित शाखाका पदाधिकारीहरूलाई सम्मान तथा बधाई ज्ञापन गरेको हो ।
नयाँ जिम्मेवारी सहितको काममा हौसला प्रदान गर्ने उद्देश्य सहित शाखाका पदाधिकारीहरूलाई सम्मान तथा बधाई ज्ञापन गरिएको चलचित्रकर्मी महासंघ कोसी प्रदेशका अध्यक्ष अरुण प्रधानले जानकारी दिए ।
केहीदिन अघि अग्रज कलाकार पुष्प श्रेष्ठको संयोजकत्वमा कोसी प्रदेश शाखा विस्तार भएको थियो ।
शाखा संयोजक श्रेष्ठ संघको केन्द्रीय कार्यसमिति सदस्य समेत हुन् । शाखाको सह–संयोजकमा पुरुषोत्तम कोइराला (दिनेश) रहेका छन् । उनी नेपाल चलचित्रकर्मी महासंघ कोसी प्रदेशको महासचिव समेत हुन् । यस्तै सदस्यहरूमा हिमाल दाहाल, माधव केसी, रितेश जंग खत्री,गोपाल याक्तेन र मेनुका माझी चयन भएका थिए ।
शाखाका सह–संयोजक पुरुषोत्तम कोइराला (दिनेश)ले चलचित्र क्षेत्रमा काम गर्ने जिम्मेवारी थप भएको उल्लेख गर्दै नेपाल चलचित्र कलाकार संघको कोसी प्रदेश शाखा विस्तरले उत्साहित बनाएको बताए ।
चलचित्रका माध्यमबाट कोसी प्रदेशलाई चिनाउन नेपाल चलचित्र कलाकार संघका मध्यमबाट अहम् भूमिका निर्वाह गर्ने सदस्य माधव केसीले उल्लेख गरेका छन् ।
यस्तै नेपाल चलचित्रकर्मी महासंघ कोसी प्रदेशका सदस्य समेत रहेका नवगठित शाखाका सदस्य रितेश जंग खत्रीले विशेष अनलाइनसँग कुरा गर्दै शाखा विस्तारसँगै चलचित्र क्षेत्रमा काम गर्ने थप जिम्मेवारी बोध भएको उल्लेख गरे । उनले सधैँ कलाकारहरूको हकहितका पक्षमा उभिने बताएका छन् ।
Discussion about this post