बिशेष अनलाइन । मोडल गरिमा शर्माले चलचित्रमा डेव्यु गर्ने भएकी छन् । चलचित्र ‘लण्डन टु पेरिस’बाट उनले डेब्यु गर्न लागेकी हुन् । यो त्यही चलचित्र हो जसमा यस अघि नै अभिनेत्री साम्राज्ञी राज्यलक्ष्मी शाह फाइनल भइसकेकी छन् ।
एबी इन्टरनेशनलको ब्यानरमा निर्माण हुन लागेको चलचित्र ‘लण्डन टु पेरिस’ का लागि उनले लिखित सम्झौता गरेकी हुन्। चलचित्र ‘लण्डन टु पेरिस’निर्देशक घनश्याम लामिछानेको निर्देशनमा बन्न लागेको हो । हुन् । चलचित्रले मागेको कथाअनुसार गरिमा सुहाउने भएका कारण उनलाई फाइनल गरिएको निर्देशक लामिछानेले जानकारी दिए ।
आधुनिक प्रेमकथामा निर्माण हुने चलचित्र ‘लण्डन टु पेरिस’का लागि मुख्य अभिनेता छनौट बाँकी रहेको छ । पछिल्लो केही दिनयता कान्तिपुर फिल्म एकेडेमीमा चलचित्रको वर्कसप चलिरहेको छ ।
निर्देशक लामिछानेले यसअघि धौली, अग्निदहन, पञ्चेबाजाजस्ता चलचित्र निर्देशन गरिसकेका छन् । चलचित्रको कथा, पटकथा तथा संवाद प्रदीप भारद्धाजले लेखेका हुन् । चलचित्र असारदेखि फ्लोरमा जाने तयारीमा गरिएको छ । चलचित्रको निर्माण अमित बस्नेत, अजित कुमार थापा, परी राना, अंकित गौतम र सनिश खकुरेलले गरेका हुन् ।
Discussion about this post