बिशेष अनलाइन । चलचित्र ‘कबड्डी ४’ शुक्रवारबाट सिनेमा हलमा प्रदर्शनमा आएको छ । चलचित्रलाई ‘कबड्डी ४ द फाइनल म्याच’ भनिएको छ । काजिको विवाह हुन्छ हुदैन भन्ने कौतुहलताका कारण पनि चलचित्रलाई यस वर्षकै प्रतिक्षीत चलचित्रका रुपमा हेरिएको छ । चलचित्रले पहिलो शो बाट नै आक्रमक व्यापार गरेको निर्माण युनिटले बताएको छ ।
सार्वजनिक चलचित्रका ट्रेलर र ‘केशरी’ गीतलाई दर्शकले निकै रुचाएका छन् । काठमाडौंसहितका मल्टीप्लेक्सहरुले प्रदर्शनको ५ दिन अगावैदेखि अग्रिम बुकिङ खुलाएका थिए । मल्टीप्लेक्सहरुमा पाएको उच्च शो र आक्रामक बुकिङ हेर्दा हेर्दा चलचित्रले सकारात्मक व्यापार गर्ने निश्चित देखिएको छ ।
यस अघिका ३ सिरिजलाई नेपाली दर्शकले रुचाएका छन् । यस अघिका तिनओटै सिरिजमा बिहे गर्न नपाएका वीरकाजीको बिहेको वरिपरी चलचित्रको कथा घुमाइएको छ ।
चलचित्र ‘कबड्डी ४’ लाई रामबाबु गुरुङ निर्देशन गरेका हुन् । चलचित्रको कथा निर्देशक गुरुङ र उपेन्द्र सुब्बाले मिलेर तयार गरेका हुन् । चलचित्रमा दयाहाङ राई, सौगात मल्ल, मिरुना मगर, बुद्धि तामाङ, विजय बराल, गौमाया यात्री, पुष्कर गुरुङ, कमलमणी नेपाल, कविता आले, जयनन्द लामा, प्रकाश घिमिरेलगायतको अभिनय रहेको छ ।
Discussion about this post