युट्यूवमा ‘पुरानो बुलेट’

बिशेष अनलाइन । अपेक्षाकृत चलचित्र ‘पुरानो बुलेट’युट्यूवमा रिलिज गरिएको छ । नेपालीहरुको दोस्रो ट.ठुलो पर्व शुभ दिपावली तथा छट पर्वलाई लक्षित गर्दै हाइलाइट नेपालले चलचित्र युट्यूवमा सार्वजनिक गरेको हो । अपलोड गरेको करिव १७ घण्टामा १ लाख ५० हजार भन्दा धेरै दर्शकले चलचित्र हेरेका छन् भने यो समाचार तायार गर्दा सम्म चलचित्र पुट्यूवको १७ नम्वर ट्रेण्डिङमा रहेको छ ।

बुलेट बाइक चढ्ने एक युवकको जीवनमा आइ पर्ने बिभिन्न उतारचढावलाई चलचित्रको मुख्य विषय बनाइएको छ । चलचित्र ‘पुरानो बुलेट’मा अनुपविक्रम शाही, वर्षा शिवाकोटी, माला लिम्बु , कविता आले, कृष्णभक्त महर्जन, शिरोमणि दवाडी, शिव मुखिया, दिवज राईलगायतका कलाकारहरुको अभिनय रहेको छ । चलचित्रमा समावेश ‘मंसीर १५’ बोलको गीतलाई दर्शकले निकै रुचाएका थिए ।

चलचित्रको निर्देशन भिषण राईले गरेका हुन् । उत्तमजङ्ग लिम्बु, जयन जे वाइवा र भिजे घिमिरेको संगीत रहेको चलचित्रमा प्रविण सिंह र प्रशान्त तामाङको कोरियोग्राफी छ । हरी घले लामाले छायांकन गरेको चलचित्रको सम्पादन अर्जुन जिसीले गरेका हुन् । चलचित्र ‘पुरानो बुलेट’को निर्माताहरुमा अशोककुमार राई, दिपेन्द्र लिम्बु, वीरेन साम्बा र टिकाराम राई रहेका छन् ।